VOV4.K’ho – Broă lơh jờng rơ kơnòm bơsram, cau bơsram dờng, ơruh pơnu kòn cau jak ngan, geh pơn rơ gơguh jak nam 2019 geh lơh tàm Hà Nội tàm 2 ngai, ngai 11 mờ ngai 12/11. Mho 11/11, mpồl neh bơyai lơh chu `àng mờ cih mat tàm sră biàng tàm Văn miếu Quốc Tử Giám. Nam do, geh 120 nă kơnòm bơsram, cau bơsram dờng mờ ơruh pơnu kòn cau geh pơn rơ gơguh jak, jak ngan gơ wèt 27 jơi bơtìan kòn cau tus bơh 33 càr, [òn dờng geh jờng rơ.

Ală oh là ală kơnòm bơsram, cau bơsram dờng neh geh khà jờng khà dùl, khà 2 tàm ală dơ\ pơr lòng kơnòm bơsram jak dà lơgar halà tàm ală dơ\ pơr lòng khoa học kỹ thuật kấp dà lơgar nam 2019; kơnòm bơsram gơ kờn pơr lòng mut ală hìu bơsram đại học, học viện mờ điểm jơnhua ngan. Do ndrờm là ală krơh niam bè nùs nhơm bơsram jak, lơh ngan brồ guh, sơr lèt gan kal ke, bơta lòng nàng lơh geh cồng nha jak ngan tàm broă bơsram sră, pơlam tàp mờ tus bal ală broă lơh mpồl bơtìan bơh cau kòn cau dê.

Cau mblàng K’Duẩn