VOV4.K’ho – Drim ngai 27/2, tàm Hà Nội, Ủy ban Mặt trận dà lơgar Việt Nam bơyai lơh Pơrjum yal kơrnuat tơlik mat Hội đồng pơlam kòn cau (khóa 9) tơngai lơh broă bơh nam 2019 tus nam 2024. Jat hơ\, Mpồl Chủ nhiệm Hội đồng geh 3 nă cau. Mò Bùi Thị Thanh, lài do là Phó Chủ tịch Ủy ban Mặt trận dà lơgar Việt Nam lơh Chủ nhiệm Hội đồng pơlam bè kòn cau.

Tàm pơrjum, ală kuang bàng ai jơnau đơs lam lơh jat broă rơndap lơh nam 2020 mờ pơlam tă pơ gồp jơnau đơs 2, 3 sră nggal bè gah kòn cau. Jat hơ\, tàm nam do, Hội đồng geh pơ gồp bal lòt sền ngan ngồn bè bơta ntrờ` tiah kis tàm làng bol kòn cau tàm tiah Tây Nguyên; pơ gồp bal bơyai lơh Pơrjum tă pơ gồp jơnau đơs jơnau rơcang cih sră nggal pơrjum Đảng khóa 13 ală tơngume bè broă kòn cau mờ broă lơh kòn cau; lòt sền broă lơh jat Kơrnuat sồ 12 bơh Thủ tướng dê bè “Tơl khà sac rơ wah, dờp mờ broă lơh gơ wèt tus mờ cau geh bơngă pin dờn tàm làng bol kòn cau”.

Cau mblàng K’Duẩn