VOV4.K’ho – Mho ngai 04/3, tàm hìu lơh broă Chính phủ, Thủ tướng Nguyễn Xuân Phúc, Kuang atbồ Mpồl đơng lam dà lơgar bè lơh niam wơl broă lơh pria\ nhai, bảo hiểm xã hội mờ dong kờl cau geh màng mờ dà lơgar neh đơng lam pơrjum Mpồl đơng lam. Sồr sơn đờm lam lơh broă rơndap lơh tam gơl pria\ nhai bơh nhai 7 nam 2021, Thủ tướng đơs nền pal sền gròi tus bơta pràn nàng lam lơh broă lơh niam wơl pria\ nhai. Bơdìh mờ lời dùl bơnah ală bơnah sơr lèt rlau mờ khà ai geh bơh ală tiah mờ dà lơgar dê, Thủ tướng đơs là, kơnòl kuơmàng kung gam là lơh bal hia\ mpồl kuang bàng drơng broă, tơrmù biên chế, rơndap tap sèng wơl tă dơ\ ngui kes pria\ dà lơgar.

Tu\ do, Ban Chấp hành dà lơgar neh tơlik Nghị quyết sồ 27 bè lơh niam wơl broă lơh pria\ nhai. Nghị quyết sồ 28 bè lơh niam wơl broă lơh bảo hiểm xã hội; Chính phủ kung neh tơlik Nghị quyết sồ 107 bè broă lam lơh jat Nghị quyết sồ 27. Tam gơl pria\ nhai sơn đờm geh lam lơh tàm nam 2021 mờ geh cih pria\ nhai jat gơnoar broă mờ jat broă lơh ngan ngồn. Bơdìh mờ broă tơm tơn mờ pria\ nhai jat gơnoar broă, broă lơh ngan ngồn, kung gam ală bơta pria\ dong kờl jo\ sơnam lơh broă geh tơm jat % pria\ nhai bơh sơn rờp. Nùs nhơm pal gàr tơl pria\ nhai hơ\ sồng gơtùi tam gơl rlau mờ pria\ nhai yau, gàr niam bơta ring bal đah ală cau geh sa pria\ nhai.

Cau mblàng K’Duẩn