VOV4.K’ho – “Tơmù khà ntoat rat – Hìu bơsram ờ do ờ dă’ geh lơh tơr lòng lài tàm [òn dờng Pleiku, càr Gia Lai gam lơh geh cồng nha. Bal mờ broă phan bơna gùng lòt lòt gan hìu bơsram geh bơcri lơh wil tơl, den jơnau git wă lơh jat Adat gùng lòt ù gờl bơh cau đì rơndeh dê kung bè mè bèp kơ nòm bơsram bal mờ kơnòm bơsram dê geh tơnguh loh làng ngan. Do gơtùi sền là broă lơh niam nàng lam lơh ua\.

Ơm kơp rò kòn tềng bơdìh hìu bơsram kấp 1 Nguyễn Lương Bằng, sơnah [òn Thắng Lợi, [òn dờng Pleiku, bi Trần Minh Đức go\ gơ lơh iang nùs ngan tu\ tiah kềng gah gùng ờdo ờ dă gùng lòt tềng đap mpồng mut hìu bơsram geh lơh niam ngan. 

                                 Tơmù khà ntoat rat – Hìu bơsram ờ do ờ dă lơh geh cồng nha tàm Gia Lai 

Tiah nàng ai mè bèp in kơp rò kòn kung geh rơndap lơh dipal sơl, ai ală rơndeh rơndồ lòt gan den kung lơh jat niam [àng  cih khà ntoat rat ua\ ngan rlau jơh là 40 kơi sồ tàm 1 jơ cèng wơl bơta iang nùs:

“Bơta hơ\ là niam ngan kơ nòm bơsram in. Tu\ lòt gan bă tiah nàng rò geh kơnòm dềt lòt rê, geh gal cau den pal tơmù khà ntoat rat tus khà geh ai nàng gàr niam ờ do ờ dă kơnòm bơsram in mut mờ lik bơh hìu bơsram. Bơta do pal lam lơh ua\ tàm jơh ală bă tiah, jơh ală hìu bơsram nàng gàr ờ do ờ dă tus mờ kơnòm bơsram mờ mè bèp lòt jun, lòt rò kòn”.

Ồng Nguyễn Văn Tùng, Phó chủ tịch UBND sơnah [òn Thắng Lợi, [òn dờng Pleiku pà git, hìu bơsram kấp 1 Nguyễn Lương Bằng rềp mờ gùng Lê Duẩn kung là gùng rơndeh 19, khà rơndeh lòt rê ua\ ngan. Lài do, rơndeh rơndồ lòt rê tàm tiah gan hìu bơsram do tu\ jơh bơsram sơ lồng sơlàng ngan. Tu\ hơ\, kờp bal mờ jơnau git wă bơh mè bèp kơnòm bơsram dê kung ờ hềt niam sơl. Mơya ming rlau 1 nam lam lơh rơndap broă tơmù khà ntoat rat – hìu bơsram ờ do ờ dă, jơnau git wă bơh cau đì rơndeh kung bè mè bèp kơnòm bơsram dê neh tam gơl, lơh gơlik dùl bă tiah ờ do ờ dă bè gùng lòt tềng đap hìu bơsram:

“Crap ơn [àng sồr tơmù khà ntoat rat tàm hìu bơsram kấp 1 Nguyễn Lương Bằng den bơh tu\ lơh gơs, sơn đờm ai ngui tus tu\ do den neh lơh jat jơnau kờ` bơh broă gơ dờp tus rơndeh rơn dồ lòt gan. Jơnau git wă làng bol dê den tam gơl loh làng ngan, tu\ lam lơh jat den hìu bơsram Nguyễn Lương Bằng ơm tềng gùng dờng Lê Duẩn, bè đah sơnah [òn den kung neh bal mờ kuang àng lam lơh broă mblàng yal, den tus tu\ do, ua\ ngan là neh geh ală tam gơl niam tàm broă đì rơndeh rơn dồ, lòt rê tàm tiah hìu bơsram.

Kung là hìu bơsram geh lam lơh tơr lòng lài rơndap broă lơh “Tơmù khà ntoat rat – Hìu bơsram ờ do ờ dă”, mò Nguyễn Thị Nga, atbồ hìu bơsram kấp 1 Phan Đăng Lưu xã Biển Hồ chờ hờp pà git, phan bơna gùng lòt tềng đap hìu bơsram tus tu\ do neh geh lơh niam wil tơl jơh. 

                                    {àng sồr tơmù khà ntoat rat 40 kơi sồ tàm 1 jơ 

Ală anih lơh broă geh gơ noar kung sùm lòt sền, sền gròi broă lơh jat ală jơnau cih bè khà ntoat rat gan hìu bơsram. Bơh hơ\ neh hời rơ hời tam gơl jơnau git wă đì rơndeh rơn dồ, lòt rê bơh làng bol dê mờ gơtùi bơsong ală bơta ờ niam, jơnau digơlan gơlik geh rềs àr gùng lòt gơ wèt mờ kơnòm bơsram:

“Gơ lơh chờ hờp ngan mờ niam nùs mờ ală cồng nha ngan ngồn bơh rơndap broă lơh dê cèng wơl. Lài ngan là tềng đap mpồng mut hìu bơsram geh rơndap dùl bă dipal mờ gùng lòt tu\ do, dờng ơnàng mờ geh ală tềl còr gùng, gùng kềng gah jat tơl khà ờ do ờ dă gùng lòt dê cih. Bal mờ hơ\, gam geh ală [àng yal ngan ngồn, ờ mìng dong mè bèp kơnòm bơsram, oh kòn tàm tiah do in git mờ gam dong ală cau đì rơndeh, cau lòt rê gan tiah hơ\ lơh jat dùl bă jơh nùs”.  

 Tàm [òn dờng Pleiku, rơndap broă lơh “Tơmù khà ntoat rat – hìu bơsram ờ do ờ dă” geh kes pria\ rơcang sơndră chơt să, sồt să châu Á dong kờl mờ lam lơh tơr lòng lài bơh nhai 4/2018 tus nhai 3/2020. Jơnau kờ` là bơt bơtàu dùl bă tiah lòt rê ù gờl ờ do ờ dă gùt dar tiah hìu bơsram bơh ală broă lơh tus bal, bè: Lơh niam phan bơna gùng lòt ù gờl, sơlơ tơnguh broă bơ to bơtê tơnguh jơnau git wă bơh mpồl bơtìan dê, lơh jat jơnau sồr tơmù khà ntoat rat.

Lòt sền ngan ngồn tơn tàm [òn dờng Pleiku, mò bà Trịnh Thu Hà, Phó kuang atbồ Văn phòng Ủy ban ờ do ờ dă gùng lòt dà lơgar pà git, rơndap broă lơh neh geh cồng nha bơh sơn rờp pal cih dờp ngan:

“Tềl cồng nha niam ngan rlau jơh tàm 1 nam sơn rờp lam lơh rơndap broă là neh gơtùi tơmù khà ntoat rat bơh 50 kơi sồ tàm 1 jơ gam 30 kơi sồ tàm 1 jơ tàm gùng càr lòt gam hìu bơsram Phan Đăng Lưu mờ tơmù bơh 60 kơi sồ tàm 1 jơ gam 40 kơi sồ tàm 1 jơ tàm gùng dờng lòt gan hìu bơsram Nguyễn Lương Bằng. Jat a` den bơh sơn rờp lam lơh rơndap broă bè do là neh geh cồng nha ngan bal mờ ală bơnah broă kờp du\ lam lơh tàm 1 nam do”.

Jat lòt sền bơh kes pria\ rơcang sơndră chơt să, sồt să châu Á dê, pah nam lơgar he geh mờr 1 rbô 900 nă kơnòm dềt chơt tài bơh rềs àr gùng lòt mờ do là jơnau ơm dơ\ 2 lơh gơbàn chơt să tàm kơnòm dêt. Ai jat jơnau lòt sền ngan ngồn ndai, tàm 100 rbô nă kơnòm dềt den geh mờr 20 nă kơnòm dềt chơt tài bơh rềs àr gùng lòt, khà do tàm ală lơgar ASEAN là  rlau 7 nă mờ ală lơgar bơtàu tơnguh là rlau 4 nă. 

Nàng tơmù [à rềs àr tus mờ kơnòm dềt, kes pria\ rơcang sơndră chơt să, sồt să châu Á neh lam lơh rơndap broă lơh “Tơmù khà ntoat ràt – hìu bơsram ờ do ờ dă” tàm 6 càr tàm gùt lơgar mờ Gia Lai là dùl tàm khà ală càr geh lam lơh lài. Mò Đinh Kim Phượng,  atbồ broă lơh dà lơgar kes pria\ rơcang sơndră chơt să, sồt să châu Á pà git, bơh ală rơndap broă lơh tơr lòng lài, kes pria\ geh lam sồr nàng ală tiah in lam lơh ua\, wèt tus bơta ờ do ờ dă rlau tai tus mờ kơnòm bơsram:

“Tơ nơ\ tu\ lam lơh tơr lòng lài 2 nam tàm [òn dờng Pleiku, càr Gia Lai den bol a` kơp kờ` geh dùl cồng nha niam mờ hòi jà geh ală bơta dong kờl, tềng đap mat là gơ wèt mờ càr Gia Lai den geh tơlik ală kơrnuat nàng tơmù khà ntoat rat tàm akă tiah hìu bơsram dùl bă dipal tàm gùt càr lài, tơ nơ\ hơ\ lơh bơnàng jă nàng ngui tàm gùt lơgar tơ nơ\ do”.

“Tơmù khà ntoat rat- Hìu bơsram ờ do ờ dă” ờ mìng là bơta kơp kờ` bơh ală mpồl sền gàr kơnòm dềt tàm dunia, tàm lơgar mờ gam là bơta kơp kờ` bơh ală mè bèp kơnòm bơsram tàm càr Gia Lai dê. Broă lam lơh ua\ là kươmàng ngan, tài gơ ờ mìng dong kơnòm bơsram geh ờ do ờ dă rlau, mờ gam hời rơ hời lơh gơlik tàm rơnàng cau kơnòm să mờ mpồl bơtìan jơnau git wă dờng ngan bè broă lơh jat ală jơnau sồr bè khà ntoat rat tu\ đì rơndeh, tu\ lòt rê nàng gàr niam ờ do ờ dă ai să tờm mờ tơl nă cau in.

Cau mblàng K’Duẩn