VOV4.K’ho- Tơnơ\ 6 ngai lơh broă jal mhar, jơh nùs, Pơrjum dơ\ 11 Ban Chấp hàng Đảng Dà lơgar khoá 12 neh jơh lơh ală tơngume broă neh ai tơlik mờ tơn jơh tàm càr lơgar Hà Nội. Đơs tơn jơh pơrjum, ala mat Bộ Chính trị, ồng Nguyễn Phú Trọng Tổng Bí thư Đảng dà lơgar, Chủ tịch lơgar yal wơl dùl êt ală cồng nha tờm bơh pơrjum dê mờ đơs wih đơs wơl tai bàr pe broă nàng ring bal đơng lam, sồr lơh jat tàm tơngai tus gơ wèt mờ ală tơngume geh sền swì, cribơyai tàm pơrjum.

Tổng Bí thư, Chủ tịch lơgar ồng Nguyễn Phú Trọng sồr ală Ủy viên Dà lơgar, ală kuang bàng lòt pơrjum mờ làng bol, oh mi, cau ling gùt lơgar gàr niam ală cồng nha neh lơh geh tàm nam 2019 mờ lơh jat niam ală kơrnoat bơh Đảng dê mờ Kơrnoat bơh pơrjum Dà lơgar dơ\ do dê, lơh gơlik nùs nhơm pa, bơta pràn pa ai broă lơh gơs jai pha jơnau kờ`, kơnòl broă Pơrjum dờng dơ\ 12 neh ai tơlik; mơkung jơh nùs rcăng mờ bơyai lơh geh cồng nha ală pơrjum đảng bộ ală kấp mờ Pơrjum dờng gùt lơgar dơ\ 13 bơh Đảng dê.

Cau mblàng Lơ Mu K’Yến