VOV4.K’ho- Ngai 18/12, tàm hìu Quốc hội dê, Ủy ban Thường vụ Quốc hội tơn jơh pơrjum dơ\ 40. Mò Nguyễn Thị Kim Ngân Chủ tịch Quốc hội cih dờp, sền wơl dùl nam do, Ủy ban Thường vụ Quốc hội neh lơh ngan lơh jăt niam broă lơh, broă rơndăp lơh neh ai jăt broă lơh broă nam, lơh geh tơl bơta niam ală tơngume yal mờ Quốc hội in kung bè tàm ală tu\ lơh nền ală broă jăt gơnăp gơnoar bơh Ủy ban Thường vụ Quốc hội dê.

Mơya, bal mờ hơ\ kung gam sơl ală bơta gam gơkòl, ờ hềt pràn jak ờ hềt bơsong geh jơh. Chủ tịch Quốc hội đơs sùm, nam 2020, Ủy ban Thường vụ Quốc hội geh krà` cê jơh nùs rlau tàm tu\ đơng lam mờ lam lơh jăt geh cồng nha broă lơh broă nam, dilah geh bơta tam gơl kung ờ lời gơtìp rơmơ\p ndơl.

Chủ tịch Quốc hội sồr, tơnơ\ dơ\ pơrjum do tơn, Chính phủ, Duh broă sùm Mpồl duh broă kòn cau mờ ală Ủy ban bơh Quốc hội dê, Kuang ătbồ dờng Mpồl cau gơnoar cih Quốc hội dê, Kiểm toán dà lơgar mờ ală anih lơh broă, mpồl cau geh gơrềng bal mhar lam lơh jăt ală kơrnoat, jơnau đơs pơndu\t bơh dơ\ pơrjum dê.

Cau mblàng Lơ Mu K’Yến