VOV4.K’ho - Mho òr (27/11), tơnơ\ mờ 28 ngai lơh broă nền nòn, lơh tòm, geh cồng nha bơh ală kuang bàng Quốc hội dê, pơrjum dơ\ 8, Quốc hội khoă 14 neh pơrjum tơn jơh.

Đơs tàm dơ\ pơrjum tơn jơh, Chủ tịch Quốc hội mò Nguyễn Thị Kim Ngân đơs tòm, mờ khà uă ngan ală adăt, kơrnoăt geh tơl^k bal mờ uă tơngu me kuơ màng geh sền wơl tàm pơrjum neh pơn jăt tai ai go\ cồng nha, bơta nền nòn tàm broă pơrjum; broă lơh ngan, geh kơnòl bơh ală anih lơh broă Quốc hội, Chính phủ mờ ală anih lơh broă, mpồl lơh broă geh gơnoar tàm broă rơcang; broă dùl nùs, ring bal, jơh nùs, ngăc ngar bơh ală kuang bàng Quốc hội.

Chủ tịch Quốc hội sồr Chính phủ, ală cấp, ală gah lơh broă mhar lơh jăt ală adăt, kơrnoăt neh geh Quốc hội ring bal; sền kuơ broă yal tơng^t, lam sồr làng bol lơh jăt tơl ală kơrnoăt tàm adăt boh lam; kơlôi sơnơng, iăt nền nòn ală jơnau pơgồp bal bơh kuang bàng Quốc hội, bơh cau te\ khà bal mờ làng bol kờ` geh broă lơh mùl màl rơlao, kờ` ai geh broă tam gơl niam tàm gah atbồ kung bè gàr niam tơngai lơh broă, bơta niam ală tơngu me yal Quốc hội tàm pơrjum tơnơ\ in.

Cau mblàng Ndong Brawl