VOV4.K’ho- Ngai do 20/9, Pơrjum dờng cau ala mat gùt lơgar Mặt trận dà lơgar Việt Nam dơ\ 9 tơngai lơh broă bơh nam 2019-2024 pơrjum tơn jơh, mờ ală tơngume kuơ màng: Cribơyai mờ ring bal Điều lệ Mặt trận dà lơgar Việt Nam khoá 9; Cribơyai ring bal pồ Ủy ban Mặt trận dà lơgar Việt Nam khoá 9; Pơrjum dờng ai Jơnau hòi jà mờ ring bal Nghị quyết pơrjum dờng dê.

Mho òr, 19/9, ală kuang bàng cribơyai tàm mpồl bè 5 broă lơh bơh Mặt trận dà lơgar Việt Nam khoá 9. Ală kuang bàng sồr pơn jat tai lơh ngan ngồn kơnòl broă sền gròi mờ jơnau đơs tă pơgồp wơl mpồl bơtìan bơh Mặt trận dà lơgar Việt Nam dê. Sac rơ wah ală tơngume, broă gròi sền, jơnau đơs tă pơgồp wơl mpồl bơtìan di pal mờ gơnoar broă, kơnòl broă, bơta pal geh mờ bơta pràn bơh Mặt trận dà lơgar Việt Nam.

Đơs tàm dơ\ pơrjum dờng, Thủ tướng Nguyễn Xuân Phúc yal wơl jơnau bơto bơh Chủ tịch Hồ Chí Minh dê bè jơnau bơsram tam klăc bal. Thủ tướng sồr Mặt trận pal rcang pơgồp bal mờ gơnoar atbồ bơsong geh cồng nha ală broă mpồl bơtìan ờ suk ơm tàm kơnă hơđơm tơn, pơgồp bơnah gàr niam gơnoar kuơ mờ bơta kuơ di pal bơh làng bol dê.

Cau mblàng K’ Hạnh