VOV4.K’ho – Tơ nơ\ dơ\ tìp mat boh bơr bơh Thủ tướng Chính phủ, ồng Nguyễn Xuân Phúc mờ ală cau tus bal pơrjum, tàm dơ\ tơn jơh pơrjum, Ủy bam Mpồl tam klac ơruh pơnu dà lơgar Việt Nam khóa 8 tơlik mat pơrjum. Bi Nguyễn Anh Tuấn, Bí thư thường trực Đoàn ơruh pơnu Cộng sản Hồ Chí Minh dà lơgar geh pơrjum sac rơ wah pồ lơh Chủ tịch Mpồl tam klac ơruh pơnu Việt Nam khóa 8, tơngai lơh broă bơh nam 2019 tus nam 2024.

Pơrjum neh pờ tê ring bal Nghị quyết pơrjum, tàm hơ\ ai tơlik 10 jơnau kờ` kươmàng, pơn jat tai tam gơl pa tơngume mờ broă lơh; sơlơ rề ơnàng mặt trận tam klac bal, bơ tòm tơr gùm ơruh pơnu; lòt bal mờ tơnguh gơ noar broă bơh ơruh pơnu dê; pơn jat tai lơh jat srơh “A` kờ` gơboh dà lơgar a`”, ai tơnggo\ nùs nhơm kờ` gơboh dà lơgar mờ ală broă lơh ngan ngồn, bal mờ 2 broă lơh “Lòt bal mờ ơruh pơnu sơn đờm mut lơh broă”, dong ơruh pơnu bơsram sră, sơn đờm mut lơh broă, tơnguh pràn kơldang să jan, bơta chài, rài kis niam chài nùs nhơm.

Cau mblàng K’Duẩn