VOV4.K’ho – Drim ngai 31/01, tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng neh đơng lam dơ\ pơrjum Ban Bí thư nàng sền cồng nha lơh jat Chỉ thị sồ 40 bơh Ban Bí thư dê bè bơyai lơh sa tềp nam 2020. Sền bal, Ban Bí thư pà git, tàm gùt lơgar sa tềp Canh Tý neh geh lơh chờ hờp, niam bơne\, ờ do ờ dă, tềm pềr, làng bol gùt lơgar wă rò sa tềp ram mhu\.

Chủ tịch lơgar neh pà phan rlau 1 tơlak 700 rbô nă cau in, ală tiah tă pơgap 900 tơmàn đông nàng pà phan ai cau geh màng mờ dà lơgar, hòi jà tơl bơta tă pơgồp geh rlau 1 rbô 600 tơmàn đồng ai rlau 2 tơlak 300 rbô nă cau geh dong kờl bơh mpồl bơtìan mờ hìu bơnhă r[ah in.

Đơs tàm dơ\ lơh broă, Tổng Bí thư, Chủ tịch lơgar, ồng Nguyễn Phú Trọng đơs là, broă jal mhar tềng đap mat là tơr gùm tơl ală bơta, phan bơna, ma\i mok, cau lơh broă nàng rơcang sơndră geh cồng nha kòp as sồt gùng tă nhơm kơn jơ\ tài bơh jơi virus pa Corona, ờ lơh aniai tus rài kis làng bol mờ bơta bơtàu tơnguh lơh sa dê. Kung tàm dơ\ pơrjum do, tơnơ\ tu\ sền sơwì sră yal bơh Mpồl bơyai broă dà lơgar dê, Ban Bí thư sền sơ wì lơh nền 2, 3 gơnoar broă gơ wèt gơnap gơnoar bơh Ban Bí thư dê.

Cau mblàng K’Duẩn