VOV4.K’ho- Ngai 26/12/2019, tàm Hìu duh broă Đảng Dà lơgar dê, Tổng Bí thư, Chủ tịch lơgar ồng Nguyễn Phú Trọng neh đơng lam pơrjum Bộ Chính trị nàng ai jơnau đơs bè rcăng broă lơh broă bơh Bộ Chính trị mờ Ban Bí thư dê nam 2020; sền swì, lơh nền bè broă lơh kuang bàng mờ bàr pe broă kuơmàng ndai.

Bè rcăng broă lơh broă bơh nam 2020 dê, Bộ Chính trị sền bal neh dùl nùs bal mờ jơnau sồr bơh Cơldu\ lơh broă Đảng Dà lơgar dê. Mờ ồng Nguyễn Phú Trọng kung đơs sùm: Nam 2020 là nam rcăng pơrjum dờng Đảng bộ ală kấp wèt tus Pơrjum dờng dơ\ 13 bơh Đảng dê, là nam geh uă broă lơh chính trị kuơmàng, broă lơh bơh Bộ Chính trị, Ban Bí thư dê ngan ngồn geh uă rlau mờ kơn jơ\ kơn ju\t rlau.

Broă sac rwah tơngume ai tơmu\t tàm Broă lơh broă bơh nam 2020 dê kờ` pal ai lài ală tơngume neh geh tàm broă lơh gùt khoá dê, ală tơngume gơrềng tus ală Pơrjum dà lơgar mờ ală broă lơh drơng broă ai bơta đơng lam, ătbồ pơrjum dờng Đảng bộ ală kấp mờ Pơrjum dờng dơ\ 13 bơh Đảng dê, ală broă nisơna.

Kung tàm pơrjum do sơl, tơnơ\ tu\ sền swì Sră yal bơh Mpồl Bơyai broă Dà lơgar dê, Bộ Chính trị neh lơh nền bàr pe nă kuang bàng gơ wèt Bộ Chính trị ătbồ mờ cribơyai, lơh nền bè bàr pe tơngume kuơmàng ndai.

Cau mblàng Lơ Mu K’Yến