VOV4.K’ho – Ngai òr 15/11, tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng neh đơng lam dơ\ pơrjum bơh Bộ Chính trị dê ai jơnau đơs bè rơndap broă lơh tơn jơh 10 nam lơh jat jơnau pơn dut sồ 48 bơh Bộ Chính trị khóa X dê bè bơt bơtàu, bơtàu tơnguh càr Thừa Thiên Huế mờ tiah drà Huế tus nam 2020 mờ jơnau pơn dut sồ 60 bơh Bộ Chính trị khóa X dê bè bơt bơtàu, bơtàu tơnguh [òn dờng Buôn Ma Thuột, càr Dak Lak gơ gơs là tiah drà tờm ngan bơh tiah Tây Nguyên dê.

Tơnơ\ tu\ iat kuang đơng lam bồ Ban Kinh tế dà lơgar yal bè ală tơngume kuơmàng bơh 2 rơndap broă lơh tơn jơh dê, Văn phòng Đảng dà lơgar yal jơnau tơr gùm jơh jơnau đơs bơh ală anih lơh broă geh gơ rềng mờ jơnau đơs bơh ală kuang bàng geh jơng bơh Bộ Chính trị dê, Tổng Bí thư, Chủ tịch lơgar đơs niam Ban Kinh tế dà lơgar – anih lơh broă sùm bơh mpồl đơng lam dà lơgar bơt bơtàu rơndap broă lơh dê neh rơcang lài jơh nùs, wil tơl, cih dờp nền nòn jơnau đơs tă pơgồp bơh ală anih lơh broă geh gơnoar dê, Bộ Chính trị ring bal tơlik Nghị quyết bè bơt bơtàu mờ bơtàu tơnguh càr Thừa Thiên Huế tus nam 2030, broă rơndap lơh wèt tus nam 2045 mờ sồr Đảng bộ, gơnoar atbồ bal mờ làng bol càr Thừa Thiên Huế pal lam lơh jat jơh nùs mờ lơh jat geh cồng nha Nghị quyết, tơnguh ua\ bơta ring bal bơh mpồl bơtìan dê, gơnoar đơng lam bơh mpồl duh broă Đảng dê, bơta lơh broă bal bơh gùt mpồl chính trị dê.

Bè bơ\t bơtàu mờ bơtàu tơnguh [òn dờng Buôn Ma Thuột gơ gơs là tiah drà tờm ngan tiah Tây Nguyên dê, Bộ Chính trị đơs, [òn dờng Buôn Ma Thuột neh geh uă broă lơh ngan pơđơl pràn nàng ngui niam ală bơta pràn, bơta geh bơtàu tơnguh, lơh sa gơguh uă ngan; gơ gơs là tiah drà khà dùl gơ wèt càr Dăk Lăk, wèt tus dùl tiah drà pa, rài kis niam chài krơi is tiah Tây Nguyên dê.

Mơya, bơtàu tơnguh lơh sa [òn dờng Buôn Ma Thuột dê ờ hềt ndrờm pal mờ bơngă, bơta pràn, bơta geh; ờ hềt ngan ngồn lơh gơnoar broă là tiah drà tờm gơcèng rài kis niam chài krơi is bơh Tây Nguyên dê; broă lơh tơrmù r[ah ờ hềt kơ\ kơl jăp ngan, bơta lơngăp lơngai, rơndăp tăp sèng ờdo ờdă tàm bàr pe tiah, gah broă lơh gam digơlan gơlik kal ke sơl.

Bal mờ jơnau kờ` tus nam 2030, Buôn Ma Thuột gơ gơs là tiah drà tơlir, [òn lơgar brê bơnơm, ngac ngar mờ rài kis niam chài krơi is, là tiah drà tờm bơh tiah Tây Nguyên dê; là tiah drà hạt nhân bơh dùl ròt ală tiah drà dê, tiah tờm gơguh lơh sa bơh kơnhoàl ù tiah Tây Nguyên dê mờ pe mum bơtàu tơnguh Việt Nam- Lào mờ Campuchia, Bộ Chính trị ring bal geh Jơnau đơs pơndu\t bè bơ\t bơtàu mờ bơtàu tơnguh [òn dờng Buôn Ma Thuột tus nam 2030, kơlôi tus nam 2045 mờ sồr Đảng bộ, gơnoar ătbồ mờ làng bol [òn dờng Buôn Ma Thuột mờ càr Dăk Lăk lam lơh jăt niam mờ geh cồng nha Jơnau đơs pơndu\t; gờ` ai jơnau đơs pơndu\t do gơ lòt mu\t ngan ngồn tàm rài kis.  

Cau mblàng K’Duẩn mờ Lơ Mu K'Yến