VOV4.K’ho- Drim ngai 23/4, tàm hìu lơh broă Đảng dà lơgar, Bộ Chính trị bơyai lơh pơrjum kuang bàng gùt lơgar bơh bơta đơng lam bơh Tổng Bí thư, Chủ tịch lơgar ồng Nguyễn Phú Trọng dê. Yal jơnau tềng đap dà lơgar bè broă gơlik geh mờ bơta gơrềng bơh kòp dờng Covid-19 dê, ală kơnòl broă, gùng dà broă lơh rcang sơn dră kòp mờ kơ\ kơl jăp lơh sa- mpồl bơtìan tàm tơngai tus, Thủ tướng ồng Nguyễn Xuân Phúc pà g^t, tus tu\ do, bol he sền bal neh gròi sền geh kòp bơtờp, kơryan geh bơta lơh bơtờp tàm mpồl bơtìan, lơh jat “ Kơnòl broă dơ\ le\ bal” gàr niam ờ do ờ dă màng kis, pràn kơl dang să jan làng bol in mơkung gàr niam lơh sa kă bro mờ gàr tơl niam rài kis mpồl bơtìan.

Đơs tàm dơ\ pơrjum, Tổng Bí thư, Chủ tịch lơgar ồng Nguyễn Phú Trọng đơs loh, bơta kuơ màng bơh pơrjum kuang bàng gùt lơgar dơ\ do dê, kuơmàng là broă rcang kuang bàng lơh broă Pơrjum dờng Đảng gùt lơgar dơ\ 13 dê in. Tổng Bí thư, Chủ tịch lơgar ồng Nguyễn Phú Trọng đơs ngan, do là kơnòl broă kuơ màng bơh jơh ală anih lơh broă chính trị, bơh ală kấp ủy, Mpồl đơng lam Đảng ală anih lơh broă, mpồl lơh broă dê. Ngan, tài bè hơ\, ală tiah pal lơh niam broă kuang bàng lơh broă bơh Pơrjum dờng Đảng bộ ală kấp nàng pơgồp bơnah rcăng niam kuang bàng lơh broă ai Pơrjum dờng Đảng gùt lơgar dơ\ 13 in.

Broă lơh kuang bàng lơh broă tàm Pơrjum dờng Đảng gùt lơgar dơ\ 13 mờr tus pal geh lơh jăt dùl bơta rơndăp tăp sèng kơ\ kơl jăp, jak chài, ring bal, gàr niam bơta song dơ pă loh làng, lơh niam, pal jăt tàm bơta gi\t loh jơnau tơl khà, broă kờ` nàng sền swì di kuang bàng, sac rwah di cau, rơndăp tăp sèng di broă, ai rơndăp di anih nàng lơh gơlik dùl mpồl kuang bàng Ban chấp hành Đảng Dà lơgar, Bộ Chính trị, Ban Bí thư ngan ngồn geh nùs nhơm wa\ wờng bal, tam klăc bal, dùl nùs bal, geh bơta pràn ai dà lơgar pơn jăt tai bơtàu tơnguh kơ\ kơl jăp tàm tơngai tus.

Cau mblàng Lơ Mu K’Yến