VOV4.K’ho – Drim òr (27/8), tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng tìp mat ală cau geh đảng kơnòm să geh pơn rơ jak tàm broă bơsram mờ lơh jat jơnau bơto sồr Bác Hồ dê di 50 nam lơh jat jơnau nting bơr lời wơl Bác Hồ dê. 

Tàm dơ\ tìp mat, uă cau geh đảng kơnòm să geh pơn rơ jak neh yal ală jơnau bal hiă ngan tàm broă lơh jat jơnau nting bơr lời wơl Bác Hồ dê, ală broă lơh ngan bơh să tờm dê tàm broă bơsram mờ lơh broă, tơnguh gơnoar broă lam lài, lơh krơh niam, geh uă jơnau bơceh pa, broă lơh niam cèng wơl bơta kuơ ngan ngồn ai anih lơh broă, mpồl lơh broă in.

Tổng Bí thư, Chủ tịch lơgar sồr ală cau geh đảng kơnòm să pal tơnguh gơnoar broă lam lài, tiah lơi kờ` den ơruh pơnu geh mờ bơta lam lài, lơh krơh niam. Tổng Bí thư, Chủ tịch lơgar kơp kờ` rơnàng cau kơnòm să Việt Nam tu\ do geh jat jơng bơhìan yau mờ broă lơh pơn iờ să bơh ală rơnàng bèp bi dê, dờp kơnòl kuơmàng kah yau, tơl pràn jak, pin dờn lam dà lơgar “bơtàu tơnguh ndrờm bal mờ ală lơgar dờng pràn tàm gùt dunia” bè Bác Hồ neh kơp kờ`.

Cau mblàng K’Duẩn