VOV4.K’ho – Mho òr (01/10), tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng neh wă Mpồl kuang bàng dờng màng Chính phủ lơgar Lào bơh ồng Thongloun Sisoulith, Ủy viên Bộ Chính trị, Thủ tướng Chính phủ lam bồ lòt còp ngan ngồn lơgar Việt Nam.

Thủ tướng lơgar Lào yal mờ Tổng Bí thư, Chủ tịch lơgar bè cồng nha tìp mat cribơyai broă đah 2 mpồl kuang bàng dờng màng Chính phủ 2 lơgar; đơs sùm, Chính phủ lơgar Lào geh pơn jat tai pơgồp bal jơh nùs mờ Chính phủ Việt Nam đơng lam ală Bộ, gah broă lơh, ală tiah geh gơ rềng lam lơh geh cồng nha ală jơnau ring bal đah kuang đơng lam bồ dờng màng 2 Đảng, 2 lơgar.

Tổng Bí thư, Chủ tịch lơgar Nguyễn Phú Trọng đơs niam bơta kuơ bơh dơ\ lòt còp mờ sồr 2 Thủ tướng đơng lam ală Bộ, gah broă lơh, ală tiah, ală mpồl lơh sa kă bro rơcang lài jơh nùs pơ gồp bal lam lơh geh cồng nha ală tơngume mờ 2 gah neh ring bal, tơnguh cồng nha lơh broă bal bè lơh sa, bơcri priă, kă bro, niam chài, bơto bơtê mờ bơsram, khoa học kỹ thuật.

Cau mblàng K’Duẩn