VOV4.K’ho - Anih lơh broă mpồl đơng lam Dà lơgar ngai òr (30/3) neh tơl^k jơnau hòi jà bơh Tổng Bí thư, Chủ tịch lơgar ồng Nguyễn Phú Trọng pơyoa làng bol, oh mi, cau ling gùt lơgar mờ làng bol lơgar Việt Nam kis tàm lơgar bơdìh.

Tàm hơ\ geh gơl jơnau hòi jà: “Tu\ do, he gam tàm tơngai gơtòp kòp tàm mpồl bơtiàn ngai sơlơ uă, jơh ală gah, mpồl lơh broă chính trị pal tơrgùm uă ngan kờ` pơn jăt tai rơcang kơrian mờ sền gròi geh cồng nha kòp gơtòp; ba` ngòt ir mơya ba` sền ờ sơ\p, ờ lơh jăt; pal g^t nền nòn bơta kòp, yal lài bơta di gơlan gơbàn ờ niam ngan, di tu\ ai tơl^k ală broă lơh geh cồng nha kờ` sền gròi, kơrian geh broă gơtòp kòp.

Mờ nùs nhơm sền kuơ bơta pràn kơl dang să jan mờ màng kis kòn bơnus là rơlao jơh, a` hòi jà jơh gùt làng boll, oh mi mờ cau ling gùt lơgar, làng bol lơgar he kis tàm lơgar bơdìh pal tam klăc dùl nùs, ring bal mờ lơh broă, lơh jăt pràn, geh cồng nha ală gùng dà broă lơh bơh Đảng mờ Dà lơgar, broă đơng lam, lam sồr bơh Chính phủ, Thủ tướng Chính phủ.

Tơl nă làng bol là dùl nă cau ling tàm tiah rơcang sơndră mờ kòp. Jơh gùt jơi bơtiàn kòn cau kis tàm lơgar Việt Nam he pal pơgồp bal bơta pràn, dùl nùs sơrlèt mờ ală kal ke kờ` kơrian geh cồng nha mờ kòp Covid-19!”.

Cau mblàng Ndong Brawl