VOV4.K’ho - Drim òr (04/12), tàm Hà Nội, Tổng Bí thư, Chủ tịch lơgar ồng Nguyễn Phú Trọng tus pơrjum mờ geh jơnau đơng lam tàm pơrjum Ban Thường vụ Đảng uỷ kuang àng Dà lơgar.

Tổng Bí thư, Chủ tịch lơgar ồng Nguyễn Phú Trọng geh jơnau đơng lam tàm pơrjum

Nam 2019, bơta lơngăp lơngai dà lơgar geh gàr niam mờ ring niam rơlao, ală gah broă geh lơh jăt nền nòn, geh ală khà broă, broă kờ` lơh neh geh ai.

Tổng Bí thư, Chủ tịch lơgar ồng Nguyễn Phú Trọng sồr tơnkah, nam 2020 là nam geh bơyai lơh uă broă lơh chính trị dờng mờ kuơ màng Dà lơgar dê, mờ kung là nam mpồl kuang àng làng bol tơnkah 75 nam ngai bơhiàn, mờ nùs nhơm pràn kơl dang pa, mpồl kuang àng làng bol pal lơh ngan uă kờ` tơmù ală broă lơh gam ờ pràn, ờ jăk, mblàng loh ală bơta tòm bơh ală broă gam ờ pràn, tàm hơ\ uă ngan là bơh să tòm kờ` ai geh ală broă lơh tòm mùl màl, di pal kờ` lơh geh ală khà broă geh ai.

Mờ đơs tòm, nam 2020 là nam bơyai lơh pơrjum dờng Đảng bộ ală cấp mờ wèt tus pơrjum dờng Đảng Dà lơgar dơ\ 13, Tổng Bí thư, Chủ tịch lơgar sồr Đảng uỷ kuang àng Dà lơgar pal rơcang lài, rơwah niam mpồl kuang bàng tus bal lơh broă tàm cấp uỷ ală cấp tơngai lơh broă bơh nam 2020 tus 2025, Mpồl đơng lam Đảng Dà lơgar khoă 13 mờ Quốc hội khoă 15.

Tổng Bí thư, Chủ tịch lơgar tơl^k nùs nhơm pin dờn là, mpồl kuang àng làng bol geh pơn jăt tai tơnguh bơhiàn khin cha jăk chài, lơh gơs jăk chài kơnòl tàm tơngai tus.

Cau mblàng Ndong Brawl