VOV4.K’ho – Ngai 16/1, di sa tềp bơhìan yau Canh Tý nam 2020 mờ tơngkah 70 nam ngai crơng gơs git gơp lơh broă bal Việt Nam mờ Lo (18/1), Tổng Bí thư, Chủ tịch lơgar, ồng Nguyễn Phú Trọng mờ Tổng Bí thư, Chủ tịch lơgar Lo, ồng Tập Cận Bình neh cribơyai bal tàm điện thoại. Tàm dơ\ cribơyai tàm điện thoại, Tổng Bí thư, Chủ tịch lơgar ồng Nguyễn Phú Trọng đơs nền, sơr lèt rlau 70 nam kờp bơh tu\ 2 lơgar crơng gơs git gơp lơh broă bal tus tu\ do, bulah geh ală tu\ tam gơl, mnơya mùl màl kah yau ai go\, git gơp lơh bơyô mờ lơh broă bal sùm là hiòng dà hòr tờm ngan tàm git gơp đah 2 Đảng, 2 dà lơgar.

Tổng Bí thư, Chủ tịch lơgar ồng Nguyễn Phú Trọng đơs là, 2 gah pal sền gàr niam bơhìan git gơp lơh bơyô niam bơne\; chồl pràn lơh broă bal ngan ngồn, geh kuơ bal tàm jơh ală gah broă lơh; sơlơ tơnguh rlau tai tìp mat lơh quèng làng bol, lơh gơlik bơnàng jă mpồl bơtìan kơ\ kơljap ai git gơp lơh broă bal đah 2 lơgar; kơ\ nùs jat ală broă lơh ring lơngai nàng bơsong dipal ală broă gam gơlik geh tàm git gơp đah 2 lơgar bơh bơta git wă bal bơh Kuang đơng lam bồ dờng màng 2 Đảng, 2 dà lơgar, dipal mờ adat boh lam dunia, bơh hơ\ tơnguh rlau tai git gơp đah Việt Nam mờ Lo bơtàu tơnguh kơ\ kơljap, niam bơne\, tài bơta kuơ bơh làng bol 2 lơgar dê, tài ring lơngai, lơh broă bal mờ bơtàu tơnguh tàm tiah do mờ tàm dunia.

Cau mblàng K’Duẩn