VOV4.K’ho-Drim òr (25/8), tàm Hà Nội, Đảng bộ Văn phòng Tổng cục Chính trị Ling klàng làng bol Việt Nam neh bơyai lơh dơ\ jàu Gai lòng 70 sơnam Đảng ai ồng Lê Khả Phiêu, Tổng Bí thư Ban Chấp hành Đảng Cộng sản Việt Nam lài do in.

 Tổng Bí thư, Chủ tịch lơgar ồng Nguyễn Phú Trọng, Bí thư Quân ủy dà lơgar tus mờ jàu Gai lòng 70 nam sơnam Đảng ai Tổng Bí thư lài do là ồng Lê Khả Phiêu in.

Tổng Bí thư, Chủ tịch lơgar ồng Nguyễn Phú Trọng đơs, bulah lơh gơnoar broă lơi, ồng Lê Khả Phiêu kung sùm jơh nùs jơh tồr mờ Đảng, mờ dà lơgar bal mờ làng bol, jơh dùl lơh jat jơnau kờ`, nùs nhơm bơh Đảng dê; là krơh niam prap gàr nùs nhơm, rài kis mờ broă lơh kac màng bơh cau Đảng viên Cộng sản dê, sùm bơsram, tàp pràn, lơh ngan lơh gơs jak ngan tơl kơnòl broă geh jàu.

Là kuang bàng dờng pràn bơh kơnă hơ đơm, ồng Lê Khả Phiêu sùm geh nùs nhơm lơh broă rềp mềr mờ làng bol, rềp mềr tàm kơnă hơ đơm, sền dờng màng mờ iăt kơno kuang bàng kơnă hơđơm đơs, lơh jat bồ tơngoh jak mpồl cau tàm broă đơng lam, jơh nùs dong kờl, mblàng yal bơta mờng chài ai rơnàng cau bơh ngkời in.

Cau mblàng K’ Hạnh