VOV4.K’ho- Drim ngai 23/8, tàm yô mpồng tiah nhàr dà lơgar dunia Móng Cái, lơgar Việt Nam mờ Đông Hưng, lơgar Lo, geh lơh dơ\ tơngkah kir sơnrai 20 nam ki\ hơ tiah nhàr lơgar hơ đang ù gờl mờ 10 nam lam lơh 3 sră nggal adat boh lam bè tiah nhàr lơgar tàm hơ đang ù gờl Việt Nam mờ Lo.

Đơs tàm dơ\ tơngkah, Phó Thủ tướng ồng Phạm Bình Minh jờng rơ ngan bơta kuơ màng bơh broă 2 lơgar Việt Nam mờ Lo ki\ hơ Hiệp ước tiah nhàr lơgar nam 1999 dê, lơh gơs geh cồng nha tiah sơn tơ\p jrong tiah nhàr lơgar nam 2008 mờ lam lơh 3 sră nggal adat boh lam bè tiah nhàr lơgar hơ đang ù gờl nam 2010.

Phó Thủ tướng Phạm Bình Minh sồr 2 gah pơn jat tai tơnguh pơgồp bal tàm broă atbồ tiah nhàr lơgar, lơh jat niam cồng nha gơnoar broă bơh kơrnoat Ủy ban tam klăc bal tiah nhàr lơgar tàm hơ đang ù gờl Việt Nam mờ Lo, lơh jat niam 3 sră nggal adat boh lam bè tiah nhàr lơgar tàm hơ đang ù gơl Việt Nam mờ Lo.

Cau mblàng K’ Hạnh