VOV4.K’ho-Chủ tịch Hồ Chí Minh là cau sền dờng màng ngan cau jak. Tơnơ\ Kăc màng Nhai 8 nam 1945, uă ngan cau geh bồ tơngoh jak, cau kơlôi sơnơng jak, geh bal ală kuang bàng tàm rài atbồ lài do, tus dì cau bơtau neh tơn jơh at gơnoar broă bè Bảo Đại neh geh Bác hồ lơh tam gơl nùs nhơm mờ hòi jà tus bal lơh broă tàm gơnoar atbồ kăc màng.

Broă ngui cau bơh Bác Hồ dê tơngo\ tàm nùs nhơm sền ki ngàm bal, bơta sền nơng jak chài, nùs kờ` gơboh kòn bơnus jrô ơnàng ngan mờ bồ tơngoh tam klac dờng màng ngan. 74 nam lòt gan, ală jơnau bơsram bè sền dờng màng ngui cau jak bơh Chủ tịch Hồ Chí Minh dê kung gam kuơ bè ờs sơl.

Tơnơ\ mờ Kăc màng Nhai phàm geh cồng nha, tàm gơnoar broă là Chủ tịch Chính phủ Việt Nam Dân chủ Cộng hoà, Chủ tịch Hồ Chí Minh neh geh dùl sră nggal bal mờ sơnđan mat “Jòi cau jak geh nùs nhơm niam”. Tơnơ\ hơ\ tơn, sră nggal do neh geh Bộ trưởng Bộ Nội vụ ồng Võ Nguyên Giáp ai yal tàm Báo cứu quốc.

Phó Giáo sư, Tiến sỹ Nguyễn Quốc Bảo, lài do là Kuang atbồ Khoa Bồ tơngoh Hồ Chí Minh, Học viện Báo chí mờ Tuyên truyền đơs là: Đảng mờ Bác Hồ neh sền gròi tus jơnau kòn bơnus mờ sền do là broă lơh nền, den tàng neh ai tơlik gùng dà broă lơh sac rwah cau geh nùs nhơm niam, geh bồ tơngoh jak tus bal lơh broă tàm mpồl kuang bàng dà lơgar tàm tu\ gơnoar atbồ pa geh crơng gơs.

Bác Hồ neh pin dờn ngan tàm broă rơndăp tăp sèng kuang bàng. Broă sac rwah, ngui cau bơh Bác Hồ dê geh bơta sền sơnơng jo\ jòng mờ jrô ơnàng ngan. Bác Hồ neh geh tu\, đơs: “Cau geh nùs nhơm niam mờ ờ geh bồ tơngoh jak den lơh broă lơi kung kal ke lơm. Mơya sơlơ\u wơl, geh bồ tơngoh jak mờ ờ geh nùs nhơm niam den ờ geh kuơ”.

Jat Phó giáo sư, Tiến sĩ Nguyễn Quốc Bảo đơs, Bác Hồ neh pơgồp bal niam bơne\ ngan dipal ngan 2 broă, tàm hơ\ geh broă săc rwah cau bơh ală ngai sơnrờp kăc màng geh cồng nha tơn: Mờ tàm kuang bàng Chính phủ bơh sơnrờp tơn, Bác Hồ ngui uă bồ tơngoh jak geh tiơng pơnrơ. Bơdìh mờ kuang bàng Quốc hội Việt Minh den Bác Hồ ngui kuang bàng Quốc hội ờ geh đảng, ờ geh mpồl mờ geh tu\ là đảng, mpồl ờ lòt jat Việt Minh mơya khi là cau geh bồ tơngoh jak, ală bồ tơngoh dờng tiơng pơnrơ.

Ờ mìng là kuang bàng Quốc hội mờ Bác Hồ gam ai khi in lơh Thứ trưởng, Bộ trưởng. Bác Hồ neh jà bal ală cau geh gơnoar broă tàm gah Yàng Phờk, Yàng Bàp mu\t lơh broă tàm Chính phủ.    

Sùm sền mpồl kuang bàng geh bồ tơngoh jak là bơta gơn kơnờm dong broă lơh kăc màng bơh jơi bơtiàn dê, tơnơ\ Kăc màng nhai 8, Bác Hồ sồr bơto bơtê cau geh bồ tơngoh jak pa, lơh tam gơl pa bồ tơngoh jak lài do, cau công nhân, cau lơh broă sa gơ gơs cau geh bồ tơngoh jak, cau geh bồ tơngoh jak gơs cau công nhân, cau lơh broă sa.

Jơh ală cau geh bồ tơngoh jak Việt Nam ndrờm bơtòm tơrgùm tềng hơđơm nha bùng bi Đảng dê. Uă cau geh bồ tơngoh jak, cau geh bồ tơngoh kơlôi sơnơng jak chài geh nùs nhơm niam, ală cau mblàng yal jơnau jak, geh bal ală cau duh broă yàng, cau kuang bàng rài bơtau atbồ, rài lài do dê tus dì cau bơtau neh tơn jơh at bơtau bè Bảo Đại neh geh Bác Hồ lơh tam gơl nùs nhơm, hòi jà mờ sồr mut lơh broă tàm gơnoar atbồ kăc màng.

Bal mờ broă jòi cau jak, cau geh nùs nhơm niam dong kờl geh kuơ ai dà lơgar in, Chủ tịch Hồ Chí Minh kung sồr kuang đơng lam bồ, cau atbồ pal gi\t sền dờng màng cau jak, gi\t sền gròi sền go\ cau jak, bơto bơtê, tề lam cau jak mờ pal gi\t ngui cau jak dùl bă dipal. Broă sền dờng màng ngui cau jak jat nùs nhơm bơh Chủ tịch Hồ Chí Minh dê là pal lơh sùm, sùm sùm bè “cau lơh sươn gul bồr sùm ală tờm chi kuơmàng. Pal sền dờng màng cau jak, sền ki ngàm kuang bàng, sền dờng màng tơl nă cau geh kuơ ai broă lơh bal in”.

Đòm jat bồ tơngoh do, Kơrnoat Pơrjum dờng dơ\ 12 bơh Đảng dê đơs nền: pal bơ\t bơtàu geh dùl mpồl kuang bàng ndrờm pal, pơgồp bơnah lơh jat jai pha 2 kơnòl broă kuơmàng bơ\t bơtàu mờ sền gàr Dà lơgar xã hội chủ nghĩa. Đòm jat nùs nhơm do, Bồ trưởng Bộ Nội vụ ồng Lê Vĩnh Tân pà gi\t, tus tu\ do Chính phủ neh geh 2 Kơrnoat nàng sền dờng màng ngui cau jak: Dùl là đòm jat, sac rwah ai lơh công chức gơ wèt mờ ală cau geh ală tu\ tơngai bơsram sră, lơh geh ală cồng nha dipal gam sơnđan là cau kơnòm să geh bồ tơngoh jak nàng lơh jat ngan ngồn kơrnoat sồ 86 bơh Bộ Chính trị dê.

Do là broă sac rwah cau lơh broă bơh sơnrờp gơ wèt mờ cau kơnòm să geh bồ tơngoh jak. Dơ\ 2 là sac rwah ờ go\ pơrlòng gơ wèt mờ cau geh ală tu\ tơngai bơsram sră lơh geh cồng nha jak ngan tàm lơgar mờ jak tàm lơgar ndai, ală tiah kal ke, do là broă dong kờl sac rwah cau lơh broă bơh sơnrờp.

Ồng Lê Quang Thưởng, lài do là Phó Kuang atbồ Mpồl rơndăp tăp sèng dà lơgar đơs là: tàm tơngai tu\ do, nàng jòi geh cau jak mờ sền dờng màng ngui geh khi bè broă mờ Bác Hồ neh lơh pal kơnờm tàm làng bol. Tu\ làng bol geh pin dờn, khi geh tă pơgồp gùng dà broă lơh ai Đảng, Dà lơgar in ală cau geh nùs nhơm niam, broă lơh jak nàng à` ơnòng broă dà lơgar dê. Tiah lơi ờ sền dờng màng jơnau đơs làng bol dê den tiah hơ\ geh bơta tìs ờ di.

Ồng Lê Quang Thưởng đơs nền: Đòm jat jơnau bơsram bơh Bác Hồ dê hơ\ là jơnau bơsram gi\t cau, sền swì di cau, tề lam mờ ngui khi di pràn jak mờ khi dê geh: Kờ` tơnguh cau lơi at dùl gơnoar broă lơi hơ\ den pal gi\t wa\ cau, sền swì di broă lơh jak, bơta mờng chài mờ pal dong kờl bơtàu bơta jak, bơta pràn jak tàm broă lơh bơh khi dê, lòng bơta jak bơh khi dê. Nisơna lời khi in hòi jà kal ke, jà khi lơh broă do den dơ\ ndai lời khi in lơh tai broă pa, lòng khi.

Hơ\ là broă bơsram tàp kuang bàng tàm broă lơh ngan ngồn. Tàm tu\ lơh broă ngan ngồn tàm mpồl bơtiàn là anih bơsram dờng màng ngan nàng lòng, bơsram tàp kuang bàng.

Đòm jat bồ tơngoh Hồ Chí Minh bè ngui cau jak, tơngai do, Đảng he neh sền dờng màng bơto bơtê, tề lam mpồl kuang bàng. Broă ngui cau jak pal dipal, di bơta pràn jak mờ bơta chài bơh khi dê. Ngui cau jak mờ ờ di, broă lơh digơlan ờ gơtùi bơtàu tơnguh, ờ gơtùi lơh geh cồng nha, lơh tơrmù cau jak mờ geh lơh aniai Đảng in. 74 nam neh lòt gan, tơnơ\ Kăc màng nhai 8, nùs nhơm sền dờng màng cau geh bồ tơngoh jak nùs nhơm niam bơh Bác Hồ dê sùm sùm là jơnau bơsram dờng tàm broă lơh kuang bàng bơh Đảng dê.

Cau mblàng Lơ Mu K’Yến