VOV4.K’ho- Tàm hìu lơh broă Chính phủ, Thủ tướng Nguyễn Xuân Phúc neh wă Phó Chủ tịch Ủy ban châu Âu (EC), ala mat kuang bàng dờng màng bơh Mpồl tam klăc châu Âu(EU) dê bè broă lơh, lơh broă mờ lơgar ndai mờ sền gàr lơngap lơngai, mò Federica Mogherini.

Thủ tướng đơs tờm, bơta g^t gơ\p Việt Nam-EU tơngai pa do geh uă bơta tam gơl niam ngan, cèng broă lơh kuơ màng mờ Việt Nam geh sơlơ tơnguh pràn bơta g^t gơ\p do tàm tơngai tus. Thủ tướng jờng rơ uă 2 gah neh ki\ Hiệp định EVFTA mờ EVIPA, mơkung sồr Nghị viện châu Âu gờ` ring bal 2 hiệp định do nàng lơh ngan ngồn ală tơngai lơh broă bal drơng broă ơla bơta kuơ mờ đơs ngan jơnau hơ pơr gon bơh 2 gah dê gơ wèt mờ khat gơboh kă bro, bơcri priă.

Thủ tướng kung jờng rơ ală broă lơh bơtàu tơnguh niam bè lơh broă bal sền gàr dà lơgar Việt Nam mờ EU mờ kơ\p kơnờm bal mờ uă ngan jơnau ring bal 2 gah ndai bè khoa học công nghệ, sền gàr tiah kis… 2 gah geh gờ` ki\ hiệp định lơh broă bal tàm gah sền gàr dà lơgar, lơngap lơngai (FPA) tài bơta lơngap lơngai mờ bơtàu tơnguh.

Thủ tướng đơs ngan, Việt Nam jờng rơ nùs nhơm bơh EU dê dong kờl khat gơboh, lơngap lơngai mờ ờ do ờ dă gùng dà lềng tiah dà lềng đah mat tơngai lik; sồr EU gàr niam nùs nhơm tơnguh uă bơta lơh jat adat boh lam dunia UNCLOS 1982, bơsong bơta tam phà mờ broă lơh ring lơngai….

Cau mblàng K’ Hạnh