VOV4.K’ho - Tàm [òn dờng Buôn Ma Thuột, càr Dak Lak, đah drà kă bro tàm lơgar bal mờ anih yal tơng^t lơh sa mờ măi mo\k mờ kă bro, gơwèt Bộ Công thương pa pơgồp bal mờ anih hòi jà kă bro lơh sa suơn sre, gơwèt Bộ Nông nghiệp mờ Phát triển Nông thôn bơyai lơh “Pơrjum pơgồp bal ală phan tus bal broă lơh OCOP tàm ală anih yal mờ tăc phan OCOP tiah tàm gùl lơgar mờ Tây Nguyên” gơwèt tơl xã dùl bơta phan. Tơnơ\ mờ rơlao dùl nam lơh, broă lơh neh geh ală bơta tơngo\ niam.

Tơnơ\ mờ rơlao 1 nam lơh jăt broă lơh OCOP neh geh ală cồng nha niam geh bal bè khà tus bal broă lơh, bơta phan, bơta niam geh rơhời ai go\, rơhời gơs mpồl phan bơkah geh lơh bơh tơl tiah dê. Tu\ do, gùt lơgar geh rơlao 6 rơbô anih lơh sa kă bro, hợp tác xã, mpồl lơh broă bal, hìu nhă dan cih măt kă bro jăt OCOP.

Tus sền ală anih ràng phan geh lơh tàm pơrjum

Kờp jơh phan geh lơh di gơlan geh lơh di pal khà OCOP tus nam 2020 là 3 rơbô 749 bơta phan; kờp jơh bơta pràn hòi jà di gơlan geh rơlao 9 tơmàn 580 tơlăk priă. Neh geh 9 càr bơyai lơh sền geh 5 sơrma`, 3 bơta phan dan geh 5 sơrma`, 160 bơta phan 4 sơrma`, 308 bơta phan 3 sơrma`.

Mờ khà lơh jăt di pal 84 bơta phan geh bơh broă lơh sa suơn sre pràn tu\ do geh mờ ală bơta phan geh lơh bơh ală tiah tàm càr dê; sră dờp bơh 1 tus 2 bơta phan 5 sơrma` cấp dà lơgar, bơh 10 tus 12 bơta phan geh bơh 3 tus 4 sơrma` cấp càr.

Pah nam, tơl kơnhoàl geh bơh 3 broă kơlôi sơnơng gơs phan geh dong kờl jăt khà OCOP, càr Dak Lak neh lơh jăt rơndăp broă wèt tus ală tiah, anih lơh sa kă bro, hợp tác xã mờ cau lơh sa tơnguh bơtàu, lơh niam phan geh lơh, phan kă bro jăt broă lơh ngai sơlơ di pal niam rơlao mờ broă kờ` bơh drà kă bro dê.

Ồng Vũ Văn Đông, Phó kuang atbồ Sở Nông nghiệp mờ Phát triển Nông thôn, kuang atbồ anih lơh broă đơng lam bơ\t bơtàu [òn lơgar pa càr Dak lak đơs: broă lơh OCOP tàm càr Dak Lak tus tu\ do neh geh rơndăp broă lơh jăt mờ ală sră nggal bơto sồr ai ală kơnhoàl in lơh jăt ală broă. Kuơ màng là tus tu\ do neh geh khà broă kờ` sền ală phan jăt mờ khà OCOP.

-Càr Dak Lak gam bơ\t bơtàu rơndăp broă lơh ai ală kơnhoàl, thị xã, [òn dờng in sền mờ bơto sồr ai ală anih lơh sa kă bro, ală hợp tác xã ală cau tòm hìu mờ cau lơh broă sa dan cih măt lơh ală broă geh kuơ mờ phan geh lơh bơh să tòm dê.

Lài ngan bol a` tơnguh broă lam sồr, yal bè jơnau g^t wă bơh làng bol, ală cau tòm hìu lơh sa kung bè ală hợp tác xã lơh bè lơi kờ` wă bè lơi sơnđan là phan OCOP kờ` tus bal.

Kờ` lơh niam den lài jơh tơl hìu nhă, tơl cau tòm anih lơh broă sa, hơp tác xã geh broă pơgồp bal kờ` lơh geh dùl bơta ndrờm bal bơh broă lơh tus mờ broă lơh gơs phan phan ngui sa tăc tàm drà kă bro. Mờ kờ` lơh broă do, pal geh jơnau g^t wă bơh làng bol dê tàm broă phan geh lơh kờ` lơh bè lơi phan geh lơh pal kloh niam, đềt mềr mờ tiah kis.

Pơrjum pơgồp bal ală phan tus bal broă lơh OCOP là dơ\ niam kờ` ală mpồl lơh broă yal, tăc phan geh lơh, chồl pràn broă lơh, tơnguh bơtàu [òn lơh broă, phan bơkah tơl tiah dê, phan geh khà OCOP; là pơrjum kờ` cau lơh broă sa, hợp tác xã, anih lơh sa kă bro tam pà bal kal ke, tàm broă lơh gơs phan jăt khà OCOP.

Ồng Nguyễn Anh Tuấn, Chủ tịch mpồl atbồ, kuang atbồ Hợp tác xã lơh sa suơn sre tơlir niam Quảng Trực, xã Quảng Trực, kơnhoàl Tuy Đức, càr Dak Nông đơs là: OCOP pà phan dong kờl kờ` lơh geh khà măt kă bro ai phan geh lơh in, pơgồp bal tàm broă lơh geh cồng nha bơh anih lơh sa kă bro dê:

-Do là dùl broă lơh geh kuơ ngan ai ală anih lơh sa kă bro in, geh pơnrơ ngan là ală hợp tác xã, kuơ màng là ală hợp tác xã, anih lơh sa kă bro dềt mờ di mơ ờ geh tơl bơta kờ` lơh maketting kờ` yal phan. OCOP là cau dong kờl ai phan geh lơh bơh làng bol lơh gơs. Do là gùng dà broă lơh mờ broă lơh di pal ngan ai phan geh lơh bơh ală làng bol bol a` tơnguh bơtàu pràn di pal.

Jăt ồng Đào Văn Hồ, kuang atbồ anih hòi jà bơcri priă kă bro broă lơh sa suơn sre, gơwèt Bộ Nông nghiệp mờ Phát triển Nông thôn yal, Tây Nguyên là tiah geh uă bơta phan lơh sa suơn sre pràn, bơta geh mờ neh ai tơngo\ geh khà măt kă bro tàm tơngai jo\.

Lơh jăt broă lơh OCOP, tàm ală càr Tây Nguyên tu\ do mìng rơ\p gam lơh, wèt tus ai phan tăc tàm drà kă bro ờ mìng tàm lơgar mờ gam tăc mờ lơgar bơdìh. Ồng Đào Văn Hồ đơs tai:

-Kờ` broă lơh sa suơn sre làng bol lơh broă sa [òn lơgar tàm Tây Nguyên geh cồng nha kung bè tơnguh bơtàu broă lơh OCOP, bol a` kơ\p kờ` ală càr, uỷ ban ală càr tàm Tây Nguyên sền gròi kờ` lơh jăt broă lơh OCOP bơh tơl càr mờ lơh jăt ndrờm bal, lơh geh cồng nha rơlao kờ` geh uă phan OCOP Tây Nguyên dê tus bal mờ drà kă bro tàm lơgar mờ dunia mờ bơh tu\ hơ\ tơnguh uă rài kis làng bol tàm [òn in.

Bơh tu\ hơ\, tơnguh bơtàu kơl jăp tiah Tây Nguyên, dùl tiah lơh sa mpồl bơtiàn kuơ màng gùt lơgar dê.

Cau mblàng Ndong Brawl