VOV4.K’ho - Ngai òr (13/4), Mpồl đơng lam dà lơgar rơcang sơndră mờ kòp Covid-19 pơrjum lơh jăt broă rơcang sơndră mờ kòp gơtòp. Phó Thủ tướng ồng Vũ Đức Đam, kuang atbồ mpồl đơng lam neh đơng lam pơrjum.

Bơh broă mblàng dữ liệu bơta kòp gơtòp tàm lơgar, sền wơl ală broă di gơlan gơtìp rềs àr, ală jơnau đơs tòm: tơngai do, he gam sền gròi bơta kòp gơtòp, mơya, bơta kòp tàm dunia mờ tàm lơgar gam kal ke, broă di gơlan gơbàn gam uă ngan, di lah ờ sền gròi nền nòn di gơlan kòp gơtòp wơl mờ he pal rơcang nùs nhơm là kòp gam jo\ tơngai.

Lài jơh, pal pơn jăt tai lơh jăt nền nòn Chỉ thị sồ 16 (tus ngai 15/4) kờ` pơn jăt tai kơrian kòp gơtòp. Mpồl đơng lam neh tơrgùm mblàng mờ ring bal tơnơ\ mờ Chỉ thị sồ 16 jơh tơngai ngui geh dan mờ Thủ tướng Chính phủ tơl^k chỉ thị pa tai.

Gơwèt mờ broă tam cah is, tam cah ngài mpồl bơtiàn, ală jơnau đơs là pal dan geh ală broă lơh mùl màl, nền nòn rơlao, geh kơlôi tus mờ bơta tàm ală tiah, mpồl cau, gah lơh sa, kă bro. Bơdìh hơ\ tai, pal pơn jăt tai lơh niam ală broă lơh bè mpồl bơtiàn, sền gròi tus mpồl cau ờ pràn gơtìp kal ke tài kòp gơtòp.

Cau mblàng Ndong Brawl