VOV4.K’ho - Mho òr (10/10), Tỉnh uỷ Dak Lak bơyai lơh yal kơrnoăt tơrgùm bal Đảng bộ mpồl ală anih lơh broă càr mờ Đảng bộ ală anih lơh sa kă bro càr gơs Đảng bộ mpồl ală anih lơh broă bal mờ anih lơh sa kă bro càr.

Jăt kơrnoăt bơh Ban Thường vụ Tỉnh uỷ Dak Lak bè broă tơrgùm bal gơs Đảng bộ mpồl ală anih lơh broă mờ anih lơh sa kă bro càr, anih lơh broă do geh kơnòl đơng lam lơh jăt kơnòl chính trị; đơng lam broă bơtê bơto chính trị; nùs nhơm; đơng lam broă bơ\t bơtàu mpồl đảng bal mờ cau geh đảng; broă kuang bàng; lơh jăt broă sền gròi; đơng lam broă lơh mpồl; broă sền gàr chính trị dơlam is.

Tơnơ\ mờ tu\ tơrgùm bal, Đảng bộ mpồl ală anih lơh broă bal mờ anih lơh sa kă bro càr Dak Lak geh 110 mpồl lơh broă đảng gơwèt bal mờ kờp jơh khà geh 6 rơbô 097 nă cau geh đảng.

Mò Đoàn Thị Biên, Bí thư Đảng uỷ mpồl ală anih lơh sa kă bro càr geh sồr lơh Bí thư Đảng bộ mpồl ală anih lơh broă mờ anih lơh sa kă bro càr Dak Lak. Do là mpồl sơnrờp ngan tàm mpồl đảng càr Dak Lak geh lơh jăt broă tam gơl pa, rơndăp săp sèng mpồl kung bàng lơh broă tàm ròt chính trị niam, lơh broă pràn geh cồng nha.

Cau mblàng Ndong Brawl