VOV4.K’ho – Jat jơnau yal bơh Tổng cục Thuỷ lợi, gơwèt Bộ Nông nghiệp mờ Phát triển nông thôn, bơh bồ kàl lơh sa kàl mìu nam 2019, bơta trồ prang duh tàm uă tiah gơlik geh sùm jo\ jòng tàm ală càr tiah tàm gùl dà lơgar. Bơta trồ prang dờng soat dà, ờ tơl dà mờ dà hang mut lơh aniai neh lơh aniai uă ngan tus broă lơh sa mờ rài kis bơh làng bol dê.

Mùl màl: tiah đah tô tàm gùl lơgar geh rlau 5 rbô 200 lồ gam gơtìp ờ geh dà, ờ tơl dà mờ rlau 61 rbô hìu bơnhă ờ tơl dà ngui sa. Ai tàm tiah đah jum tàm gùl lơgar: khà bă tiah gơtìp aniai bơh trồ prang dờng soat dà, ờ tơl dà là 16 rbô 340 lồ kòi mờ phan tam lơyah ngai. Mờr 53 rbô hìu bơnhă ờ tơl dà ngui sa, tàm hơ\ uă ngan rlau jơh là Bình Định mờ Phú Yên. Văn phòng lơh broă sùm Mpồl đơng lam dà lơgar rơcang sơndră trồ tiah lơh aniai sồr ală càr lam lơh ală broă lơh dră wơl mờ bơta trồ prang duh jo\ jòng, soat dà mờ dà hang mut lơh aniai tàm tiah tàm gùl dà lơgar.

Cau mblàng K’Duẩn