VOV4.K’ho- Geh crơng gơs bơh nam 1947, bal mờ kơnòl broă rcăng tam lơh sền gàr ù tiah kuơmàng Tây Nguyên, sơrlèt rlau mờr 2/3 tu\ tơngai crơng gơs mờ bơtàu tơnguh, Trung đoàn Bộ binh 584 gơ wèt Gah đơng lam Mpồl ling càr Dăk Lăk sùm lơh gơs jak ngan kơnòl broă geh Đảng mờ Dà lơgar jàu. Mờ ală rơnàng kuang bàng, cau ling bơh mpồl ling dê sùm jơh nùs lơh jăt broă lơh lam sồr làng bol gơ jăt bal mờ tơn jơh jơgloh r[ah tơrmù r[ah lơh tơnguh tai bơta tam klăc dờng đah ling klàng mờ làng bol. Bơh hơ\, lơh jăt geh cồng nha jơnau bơto sồr bơh Chủ tịch Hồ Chí Minh dê: “Chài lam sồr làng bol den broă lơi lơh kung gơtùi lơm”.

Hìu bơnhă mò Phan Thị Hoa, ơm tàm thôn 2, xã Hoà Xuân, [òn dờng Buôn Ma Thuột tàm uă nam do là hìu bơnhă r[ah thôn dê. Mò Hoa pà gi\t, ùr bơklau mò gơbàn kòp tê jê să sùm gùt nam, mờ hìu den deh gal tai kòn, ờ geh ù lơh sa, priă lơh geh tờm ngan bơh hìu bơnhă dê là kơnờm jơh lơm tàm ngai lòt lơh broă apah bơh 2 nă kòn dờng dê.

Nam 2014, ală kuang bàng cau ling tàm Tiểu đoàn 303, Trung đoàn 584, gơ wèt Gah đơng lam Mpồl ling càr Dăk Lăk pà hìu bơnhă mò in dùl yô kơnrồ me, mpồl cau Ủy ban Nhân dân xã Hoà Xuân pà 2 tơlak priă nàng blơi sơlo, jrong chi nàng lơh wàng kơnrồ.

Bal mờ hơ\, ală kuang bàng, cau ling Tiểu đoàn 303 gam pơgồp bal tai mờ kuang bàng lơh sơnơm phan ròng tiah do dê sùm tus dong kờl bơta chài ci\t sơnơm rcăng sơndră kòp, tam nhơ\t nàng geh phan tơn siam kơnrồ in, tus tu\ do kơnrồ neh deh dờng rơ\ rài niam ngan. Priă geh bơh tăc kơnrồ tu\ do gơ gơs là priă lơh geh tờm bơh hìu bơnhă mò dê.

Mò Phan Thị Hoa, đơs: Bàr nă ùr bơklau a` den bơklau a` dê gơtìp kòp jê sùm gùt nam, a` den gơtìp rềs àr ờ gơtùi lơh geh broă lơi, mìng ơm gời lơm tàm hìu. Cau ling bal mờ mpồl cau tàm xã dong kờl pà kơnrồ, pà priă lơh wàng kơnrồ den kơnrồ ròng a` dê deh kòn rơ\ rài niam ngan. Pah nam, kơnrồ deh geh 2 nơm kơnrồ kòn, hìu bơnhă a` neh tăc 1 nơm mờ geh 30 tơlak. Priă do a` ai dùl bơnah nàng sơm kòp, dùl bơnah den ngui sa tàm hìu bơnhă. Rài kis jơh dùl hìu bơnhă dê tu\ do neh ờ huan bòl glar kal ke rlau mờ lài uă ngan.

Cau ling dong làng bol lơh gùng [òn lơgar

Wa\ wờng jrô ngan jơnau bơto sồr bơh Chủ tịch Hồ Chí Minh dê, là “Chài lam sồr làng bol den lơh broă lơi kung gơtùi lơm”, ală nam do, ală kuang bàng cau ling Trung đoàn 584 gơ wèt Gah đơng lam Mpồl ling càr Dăk Lăk neh bơsram mờ lơh jăt jrô ơnàng ngan ală chỉ thị, kơrnoat, bơta bơto pơlam lơh jăt srơh tàm pơrlòng “Chài lam sồr làng bol”, bơ\t bơtàu “Mpồl lơh broă lam sồr làng bol niam” bơh Đảng mờ Dà lơgar dê.

Đại úy Phạm Ngọc Sơn là Kuang bàng Tiểu đoàn 303, Trung đoàn 584 yal: Bal mờ broă lơh mblàng yal, hòi jà ală rơnàng làng bol lơh jăt di jơnau sồr bơh Đảng dê, kơrnoat boh lam bơh Dà lơgar dê, den mpồl ling gam jơh nùs ngan lơh broă lơh dong kờl tơl niam rài kis mpồl bơtiàn tàm [òn lơgar bơh ală broă lơh sa geh cồng nha. Broă pà kơnrồ me dong kờl hìu bơnhă r[ah bè hìu bơnhă mò Hoa dê là dùl tàm uă broă lơh mờ mpồl ling gam lơh.

Đại tá Phạm Ngọc Sơn, pà gi\t: Sền kơnòl broă lam sồr làng bol là kơnòl broă chính trị kuơmàng, bol a` sùm pơgồp bal mờ UBND xã Hoà Xuân dong kờl ngai lơh gùng bê tông [òn lơgar, lơh gùng bơkàu lơh geh ù tiah anih ơm kis niam; sac rwah ală hìu bơnhă chính sách, hìu bơnhă r[ah, hìu bơnhă làng bol kòn cau nàng dong kờl pà kơnrồ me bơtàu tơnguh lơh sa. Bơdìh hơ\ tai, den mpồl ling gam dong kờl gi\t nđờ rbô ngai lơh broă lòt tơnhàu phan tam ai làng bol in tàm ală kàl tơnhàu uă….Bơh hơ\ den lơh gơlik geh bơta pin dờn tàm làng bol, nùs nhơm ling klàng mờ làng bol sơlơ kơ\ kơl jăp, bơta lơngăp lơngai chính trị mpồl bơtiàn geh gàr kơ\.

Cau ling Trung đoàn 584 bal mờ broă lơh kis gi\t jơnau gi\t adat

Ồng Nguyễn Đức Thuận, Chủ tịch Ủy ban Nhân dân xã Hoà Xuân, [òn dờng Buôn Ma Thuột, càr Dăk Lăk pà gi\t, tàm ală nam do, Trung đoàn 584, gơ wèt Gah đơng lam Mpồl ling càr Dăk Lăk dê neh lơh jăt geh cồng nha ngan broă lơh lam sồr làng bol tu\ pơgồp bal niam ngan mờ xã lơh jăt niam ngan broă lơh mblàng yal, bơto yal adat boh lam, lam lơh jăt geh cồng nha ală broă lơh sền gàr, gàr kơ\ bơta lơngăp lơngai chính trị rơndăp tăp sèng ờdo ờdă jơh gùt mpồl bơtiàn tàm xã. Bơdìh hơ\ tai, mpồl ling kung lơh jăt geh cồng nha broă lơh lam sồr làng bol gơ jăt bal mờ dong kờl sền gàr tơl niam rài kis mpồl bơtiàn ai xã in, bơh hơ\ pơgồp bơnah uă ngan tàm broă dong xã lơh geh jơh ală broă bơ\t bơtàu [òn lơgar pa.

Ồng Nguyễn Đức Thuận, Chủ tịch Ủy ban Nhân dân xã Hoà Xuân đơs bè do: Tàm tơngai tus, Gơnoar ătbồ xã bol a` dê kung gam kơ\p kờ` sơl Trung đoàn 584 pơn jăt tai dong kờl làng bol tàm xã ală broă lơh sa, lơh jăt geh cồng nha broă pah nam gơmù dùl hìu bơnhă r[ah. Pơn jăt tai dong kờl ngai lơh broă nàng lơh geh anih ơm kis ù tiah [òn lơgar tơlir sàng goh mờ niam…Bơh hơ\ den dong UBND xã bol a` geh pơn jăt tai gàr kơ\ ală broă xã lơh geh tơl khà [òn lơgar pa.

Trung đoàn 584 gơ wèt Gah đơng lam Mpồl ling càr Dăk Lăk tu\ do geh 3 Tiểu đoàn, tàm hơ\ geh: Tiểu đoàn 303, 401 mờ 83 lơh pôs đồng tàm ală xã: Hoà Xuân, Hoà Thắng, [òn dờng Buôn Ma Thuột mờ xã Ea Kiết, kơnhoàl Cư Mgar. Bal mờ kơnòl broă bơto pơlam rcăng tam lơh, ală rơnàng kuang bàng, cau ling bơh Trung đoàn dê sùm tam klac bal rềp mềl ngan mờ làng bol. Lơh jăt niam kơnòl broă lam sồr làng bol bơh broă dong kờl bơ\t bơtàu [òn lơgar pa, lam lơh jăt geh cồng nha ală broă lơh sa tơn jơh jơgloh tơrmù r[ah, lòt còp rwàng pà phan hìu bơnhă chính sách, bơ\t bơtàu ală anih lơh broă chính trị kơnă hơđơm, bơh hơ\ lơh kơ\ kơl jăp nùs nhơm rcăng lài sền gàr dà lơgar tàm jơh gùt làng bol.

Bè bơh nam 2015 tus tu\ do, mpồl ling neh dong kờl rlau 7 rbô ngai lơh broă nàng lơh gùng lòt [òn lơgar, lơh niam wơl gi\t nđờ 100 kơi sồ rbòng dà tàm sươn sre, pès nhơ\t, koh kơl ală ntê chi klăp klê, pơs wàs lơh àng sơndah mờ sàng goh ù tiah rlau 30 kơi sồ gùng lòt tàm ală [òn; dong kờl 30 yô kơnrồ me kờp priă rlau 720 tơlak; lơh niam wơl mờr 200 nơm hìu; pà gi\t nđờ rhiang bơnah phan tàm ală dơ\ lơh chờ, dơ\ sa tềp ai ală hìu bơnhă chính sách, hìu bơnhă r[ah in bal mờ kờp jơh priă là rlau 1 tơmàn; bơyai lơh kham sơm kòp mờ pà sơnơm ờ sa priă ai rlau 5 rbô nă làng bol in…

Đại úy Trần Văn Toàn Kuang ătbồ Chính trị Trung đoàn 584 gơ wèt Gah đơng lam Mpồl ling càr Dăk Lăk pà gi\t kơnòl broă lam sồr làng bol bơh mpồl ling dê tàm tơngai tus bè do: Trung đoàn pơn jăt tai lơh jăt ală gùng dà broă lơh lòt còp ală cau chính sách tàm ală dơ\ lơh chờ, dơ\ sa tềp; pà kơnrồ me, sơntìl chi tam phan ròng ai hìu bơnhă r[ah in. Mơkung pơn jăt tai hòi jà kuang bàng mờ cau ling dong kờl ngai lơh broă nàng lơh gùng lòt tàm [òn lơgar, pơs wàs lơh kloh niam ù tiah, hìu đam…Lơh pràn broă lơh pà sơnơm, kham sơm kòp ai làng bol r[ah in tàm tơngai tus.

Cau ling Trung đoàn 584 dong làng bol lơh niam wơl hìu đam

Bal mờ ală cồng nha neh lơh geh, Trung đoàn Bộ binh 584 neh gơ gơs là “anih pơnrơ àng” tàm broă lơh jăt srơh “Chài lam sồr làng bol” bơh Gah đơng lam Mpồl ling càr Dăk Lăk dê. Uă nam sùm, Trung đoàn geh dờp là lơh geh tơl khà “Mpồl ling lam sồr làng bol niam”, geh Đảng mờ Dà lơgar pà uă ngan phan jờng kuơmàng. Cồng nha bơh srơh “Chài lam sồr làng bol” tàm Trung đoàn 584 gơ wèt Gah đơng lam Mpồl ling càr Dăk Lăk dê neh pơgồp bơnah lơh niam bơne\ rlau tai rùp să “Cau ling Wa Hồ” ; sơlơ tơnguh tai bơta gi\t gơ\p “ling klàng mờ làng bol gơlơh bè ka mờ dà” tàm tu\ tơngai pa.

Cau mblàng Lơ Mu K’Yến