VOV4.K’ho- Nam do, di tòm 44 sơnam, bal mờ 24 nam lơh broă tàm mpồl ling, bi Đỗ Văn Bắc, Trung tá ling klàng, Kuang dong broă Chính trị, Gah đơng lam mpồl ling kơnhoàl Sa Thầy, càr Kon Tum là krơh pơnrơ tàm ală srơh tàm pơrlòng bơh mpồl ling klàng tiah do dê. Bal mờ nùs nhơm lơh broă jak, chài, gi\t kơrhia ngan, Trung tá Đỗ Văn Bắc neh pơgồp bơnah kuơmàng tàm broă bơ\t bơtàu Đảng bộ ling klàng kơnhoàl Sa Thầy uă nam sùm lơh geh sră jờng rơ sàng goh pràn kơldang kơ\ kơl jăp mờ mpồl ling klàng kơnhoàl pràn kơldang tơl mờ ală bơta.

Tàm 24 nam lơh broă tàm mpồl ling, jơh ală tu\ tơngai Trung tá Đỗ Văn Bắc lơh broă tàm Mpồl đơng lam mpồl ling kơnhoàl Sa Thầy. Tàm khat broă lơh lơi bơh mpồl ling dê, bơh Kuang dong broă pơndờm pơnđiang tus Kuang dong broă chính trị, Trung tá Đỗ Văn Bắc ndrờm lơh gơs jak ngan kơnòl broă geh jàu. Să tờm sùm lơh krơh niam, lơh broă geh kơnòl, sùm lùp bơsram nàng tơnguh uă pràn jak lơh broă mờ nùs nhơm tàm broă lơh.

Đơs bè broă lơh tu\ do bơh he dê là Kuang dong broă chính trị dờp lơh kơnòl broă mpồl bơ\t bơtàu Đảng, broă lơh kuang bàng bơh mpồl ling dê, Trung tá Đỗ Văn Bắc, pà gi\t: A` sền go\ ù tiah Sa Thầy là ù tiah kuơmàng ngan, ală mpồl cau tơrgùm tam dră wơl mờ lơh aniai, den tàng bè hơ\, kơnòl broă chính trị geh sền là dùl tơngume kuơmàng ngan rlau jơh nàng pơgồp bơnah bơ\t bơtàu mpồl ling klàng kơnhoàl pràn kơldang kơ\ kơl jăp tơl mờ ală bơta. Jăt tàm bơta hơ\, gơ wèt mờ a` den ai jơh nùs jơh pràn, ai jơh bồ tơngoh kơlôi sơnơng ală sră nggal, kơrnoat sồr bơh kấp hơđang dê nàng gi\t nền tơngume, jat tàm bơta hơ\ den a` dan mờ kuang đơng lam bồ mpồl ling lam lơh jăt broă lơh Đảng, broă lơh chính trị tàm mpồl ling klàng kơnhoàl lơh geh cồng nha uă ngan rlau jơh.

Gi\t loh kơnòl broă geh jàu, Trung tá Đỗ Văn Bắc neh lơh jăt niam gơnoar broă dan mờ Đảng ủy Mpồl đơng lam mpồl ling kơnhoàl Sa Thầy lam lơh jăt geh cồng nha uă tàm broă lơh rơndăp tăp sèng bơ\t bơtàu Đảng mờ broă lơh kuang bàng. Bè, mblàng yal mờ lam lơh jăt niam ală Chỉ thị, kơrnoat bơh ală kấp ủy Đảng dê tàm mpồl ling kơnhoàl lơh geh bơta ring bal bè nùs nhơm bồ tơngoh mờ broă lơh; gàr sùm lơh jăt niam rơndăp tăp sèng, broă pơrjum bơyai; gàr kơ\ bơta pal jăt tơrgùm làng bol lơh tờm, mpồl cau đơng lam gơ lòt jăt bal mờ cau dùl nă să is dờp lơh kơnòl broă; bơ\t bơtàu mờ lơh gơs gùng dà lơh broă, gùng dà đơng lam; bơ\t bơtàu rơcang lài mờ atbồ mpồl kuang bàng kơ\ kơl jăp…

Trung tá Đỗ Văn Bắc yal bè mờng chài bơh he dê tàm tu\ lơh jăt kơnòl broă geh jàu: A` pal gi\t nền gùng dà, broă lơh bơh Đảng dê bè broă lơh bơ\t bơtàu Đảng bộ kung bè chi bộ. Jăt tàm bơta hơ\ den a` geh jơnau dan lơh ală gùng dà broă lơh tàm bơ\t bơtàu mpồl ling pràn kơldang kơ\ kơl jăp tơl ală bơta. Lài ngan, hơ\ là atbồ, mblàng yal, bơto bơtê, pơlam gùng ai kuang bàng đảng viên in geh nùs nhơm kơ\ dơn. Dơ\ 2 là a` sền ngac ngan tus broă tơmu\t đảng bơh mpồl ling kơnă hơđơm dê. Dan mờ Đảng ủy, Mpồl đơng lam mpồl ling là pơgồp bal niam mờ Đảng ủy, gơnoar atbồ kơnă hơđơm sac rwah, jòi cau tề lam. Bơ\t bơtàu, mờ tơmu\t đảng bơh kơnă hơđơm tơn lơh geh mpồl kuang bàng tơnơ\ do.

Bơh jơnau dan bơh Trung tá Đỗ Văn Bắc dê, lam lơh jăt geh cồng nha bơh Đảng ủy Mpồl đơng lam mpồl ling kơnhoàl Sa Thầy dê, 5 nam do, Đảng bộ mpồl ling kơnhoàl Sa Thầy sùm lơh gơs niam ală broă jàu bè broă lơh bơ\t bơtàu Đảng mờ broă lơh kuang bàng.

Tơmu\t đảng tàm mpồl lơh broă sùm geh 22 nă oh mi, lơh geh 112% broă rơndăp lơh. Tơmu\t đảng tàm mpồl ling griăp [òn, mpồl rcăng lòt ling geh 64 nă oh mi jơnhoa rlau mờ tơngai lài. Khà đảng viên tàm ơruh pơnu lòt ling sùm lơh geh rlau 1,25%. 5 nam rềp ndo, Đảng bộ mpồl ling kơnhoàl Sa Thầy geh 3 nam sùm lơh geh sră jờng rơ sàng goh pràn kơldang kơ\ kơl jăp mờ 2 nam lơh gơs jak kơnòl broă geh jàu.

Bal mờ broă lơh bơ\t bơtàu Đảng, broă lơh sac rwah, lơh geh mpồl kuang bàng bơh mpồl ling dê sùm lơh geh mờ sơrlèt khà jàu. Kuang bàng duh broă sùm lơh geh 100% khà jàu bơh kấp hơđang dê; bơto bơtê sỹ quan rcang lòt ling geh 19 nă oh mi, lơh geh 108%.

Tàm gơnoar broă Phó Bí thư Chi bộ, Trung tá Đỗ Văn Bắc pơgồp bơnah kuơmàng bơ\t bơtàu Chi bộ 5 nam sùm lơh geh sră jờng rơ sàng goh pràn kơldang kơ\ kơl jăp, tàm hơ\ geh 3 nam lơh geh sră jờng rơ sàng goh pràn kơldang kơ\ kơl jăp pơnrơ. Tàm Chi bộ ờ geh dùl nă kuang bàng, đảng viên lơi gơtìp lơh glài. Jơh ală kuang bàng, đảng viên ndrờm lơh jak kơnòl broă geh jàu. Să tờm Trung tá Đỗ Văn Bắc 5 nam sùm geh sac rwah lơh gơs jak ngan kơnòl broă geh jàu.

Đơs bè cau oh mi bal, cau lơh broă ling klàng bal mờ he, Thiếu tá Vũ Sơn Hải, Chính trị viên Phó, Mpồl đơng lam mpồl ling kơnhoàl Sa Thầy, yal bè do: Bi Đỗ Văn Bắc là dùl nă kuang bàng jơh nùs jơh tồr ngan mờ broă lơh, tơryăng tơryồng ngan tàm broă lơh. Sùm dờp mờ lơh niam ngan jơh ală kơnòl broă geh jàu. Sùm jơh nùs kơlôi sơnơng, bơceh pa ală broă lơh pa geh cồng nha ngan bal mờ jơnau đơs lơh jơh broă ờ go\ di jơh tu\ jiơ. Bi sùm là krơh àng tàm srơh tàm pơrlòng bơh mpồl ling dê tàm ală nam do. Bi geh broă ơm kis boh bơr pơndềt să ngan, gi\t jơnau mờ ki ngàm ngan mờ sùm geh ală oh mi, cau lơh broă ling klàng bal pin dờn kờ` gơboh, bi Bắc là dùl nă krơh àng àng kuang bàng, cau ling in đòm jăt.

Bal mờ ală cồng nha tàm bơsram tàp mờ lơh broă, Trung tá Đỗ Văn Bắc, Kuang dong broă Chính trị, Mpồl đơng lam mpồl ling kơnhoàl Sa Thầy, càr Kon Tum chờ hờp geh dờp uă sră jờng rơ bơh ală kấp dê pà. Trung tá Đỗ Văn Bắc kung là dùl nă cau pơnrơ bơh mpồl ling dê geh ai lòt yal cồng nha 5 nam lơh jăt Dơ\ lam sồr “Đòm jăt bơhiàn, tă pơgồp pràn jak, dipal mờ măt sơnđan Cau ling Wa Hồ” mờ Chỉ thị sồ 05 bơh Bộ Chính trị dê “Bè lơh pràn bơsram mờ lơh jăt nùs nhơm bồ tơngoh, rài kis mờ broă lơh jak Hồ Chí Minh dê”.

Cau mblàng Lơ Mu K’Yến