VOV4.K’ho- Xã tiah nhàr lơgar Mô Rai, kơnhoàl Sa Thầy, càr Kon Tum là xã khin cha jak chài. Tàm rài tam lơh mờ bol sò tơm Mỹ, làng bol ală kòn cau tàm Mô Rai khin cha ngan, kơ\ dơn nùs nhơm lòt jăt kăc màng, sơrlèt gan uă bòl glar kal ke, phi să. Xã Mô Rai lài do kung là dùl tàm ală xã r[ah ngan rlau jơh bơh càr Kon Tum dê tài bơh ù tiah [òn lơgar koh gơl, trồ tiah ờ niam ngan mờ gùng lòt kal ke tai. Bulah bè hơ\, jơh ală bơta neh rơhời gơ tam gơl kờp bơh tu\ geh dùl mpồl khin cha jak chài bơcri priă lơh sa kă bro tàm do, bal mờ làng bol ală [òn lơgar tàm xã bơtàu tơnguh lơh sa, tơrmù bơta jơgloh r[ah, bơngơl gơla- hơ\ là Binh đoàn 15 gơ wèt Bộ Quốc phòng. Binh đoàn neh tam gơl Mô Rai gơ gơs là tiah tam kau su cồng nha lơh geh lam lài khà dùl lơgar Việt Nam dê; lơh gơlik mờ bơ\t bơtàu tàm do ală “mpồl lơh sa là [òn” mờ ală “[òn bè mpồl lơh sa, pơgồp bơnah tơnguh priă lơh geh ai làng bol [òn lơgar in gơguh jơnhoa rlau mờ khà kờp bal ală tiah [òn lơgar tàm càr Kon Tum dê.

Mpồl đơng lam mpồl 4, kông ty 78, Binh đoàn 15, ơm tàm gùl brê kao su tàm thôn Ia Xoăn, xã Mô Rai gùt dar kơno ntas ma\y mok dờng ngan. Công nhân bi Moong Thị Thanh, kòn cau Khơ Mú, [òn tờm tàm Thanh Hóa pà g^t hơ\ jơnau ntas uh nha kao su. Jat bi đơs, uh nha nàng ơn phơng den hơ\ sồng uh nha bồr  jơm phơng wơl, là broă lơh pal lơh sơr bac mhar ngan lài mờ kàl mìu tus nàng gàr niam suơn kao su in geh bơta pràn nàng mut tàm tơngai ai bơsơ\t pa.

Kềng gah rơndeh Dream pa tam gơl kong pa ngan, kềng gah cơl du\ hìu ơm bal gam ờ hềt pơs wàs niam bi Thanh pà g^t: a` là kông nhân pa. Nam lài, bi tus kông ty 78 mờ bàr nơm mpàng tê gời bal mờ dùl nă kòn dềt, công đoàn kông ty neh dong kờl mè kòn bi dê mờ jơh ală bơta, tă pơgồp pà dùl nơm rơndeh ma\y mờ phan ngui tàm rài kis pah ngai. Den tàng bè hơ\ mờ bi mhar ngan kuèng mờ broă lơh, rài kis 2 nă mè mờ kòn bi dê neh bè ờs wơl.

Tàm [òn tờm den ờ niam bè ơm tàm do tài bơh ơm tàm do dùl nhai oh lơh kung geh bơh 6 tus 7 tơlak. Mờ ơm tàm do den nùs nhơm oh dê iang nùs rlau tài bơh geh ală oh mi tàm mpồl sền gròi dong kờl ai mè kòn a` in bơh sră ma\y, sră cih, bơngàn duơh…

Kông ty 78, Binh đoàn 15 geh rlau 3 rơbô lồ kao su mờ rlau 1 rơbô 600 nă cau lơh broă tàm xã Mô Rai, kơnhoàl Sa Thầy, càr Kon Tum. Kờp jơh bal mờ oh kòn bơh kuang bàng, công nhân viên dê den kông ty tă pơgồp tàm xã rlau nggùl khà kờp làng bol. Mờ priă lơh geh kờp bal dùl nă cau rlau 37 tơlak đong tàm nam 2019, kông ty 78 neh tă pơgồp bơnah tơn lơyah bơta ờ drờm bal bè priă lơh geh kờp bal dùl nă cau bơh xã uă kal ke Mô Rai dê mờ kờp bal 41 tơlak tàm 1 nă cau tàm gùt càr Kon Tum dê; sơr lèt  rlau uă ngan khà kờp bal tàm tiah [òn lơgar tàm càr. Rlau mờ hơ\ tai, mờ jơnau đơs “ hìu bơnhă cau yoan tam klăc bal mờ hìu bơnhă làng bol kòn cau, mpồl lơh sa tam klăc bal mờ thôn, [òn”, kuang bàng, công nhân viên kông ty 78 neh dong làng bol ală thôn làng bol kòn cau tàm tiah Mô Rai brồ guh bal.

Suơn chi lơh geh cồng nha uă ngan rlau jơh gah lơh kao su

Bi Y Bia, ơm tàm thôn Ia Ho pà g^t: tàm thôn geh bàr pe jơ\t hìu bơnhă dờp broă sơng ka sền gàr mờ còr bơ sơ\t kao su ai kông ty 78 in bè a` sơl. Ală hìu bơnhă ờ di mìng geh priă lơh geh sùm, mờ tơl hìu bơnhă gam tam klăc bal mờ dùl hìu bơnhă làng bol ndai, dong làng bol brồ guh bal. Bè bi Y Bia, tơnơ\ tu\ lơh sa hìu bơnhă neh gơguh đau, bi neh dong kờl mè bèp bi dê lik klàs bơh r[ah. Bơta chờ hờp tàm Y Bia dê kung bè ală công nhân lơh kao su bol a` tìp, là ndrờm chờ hờp ngan, bulah tàm tiah lơh kao su kung gơ tìp gơ rềng tài bơh kòp Covid-19 mờ digơlan lơh bi in gơmù priă lơh geh sơl.

Nam lài oh lơh den priă nhai rlau 7 tơlak đong. Ai nam do den ờ hềt g^t mbè lơi sơl. Bơta kòp Covid-19 bè do den digơlan kung gam tơl sa sơl đau.

Jat ồng H’Rách Láo, Chủ tịch UBND xã, Mô Rai đơs, ngai do là tiah tam kao su geh cồng nha uă ngan rlau jơh càr Kon Tum mờ gùt lơgar dê, lơh geh pơgap 2 tấn nggùl tàm 1 lồ; uă ngan tiah tam kao su lơh geh tus 3 tấn tàm 1 lồ. Bơdìh mờ broă tam uă suơn chi bơh mpồl dê, pah nam kông ty 78 gam tam ală suơn kao su tơr lòng lài nàng pà ală [òn làng bol kòn cau in; xã kung lơh jat niam broă lơh hòi jà làng bol mờ ală kơnòl broă lơh sa- mpồl bơtìan.

Kông ty den lơh oh mi bal mờ xã, ală mpồl là thôn bơh xã dê mờ ală mpồl lơh sa gam lơh oh mi mờ ală thôn sơl. Tus tu\ do geh sơn đan là tàm klăc lơh oh mi, đah ală hìu bơnhă ală mpồl dê tam klăc bal mờ hìu bơnhă tàm ală thôn, sùm lơh broă lơh hòi jà làng bol, gàr tơl niam rài kis mpồl bơtìan. Tàm broă bơtàu tơnguh lơh sa den kung sùm pơgồp bal mờ xã, bè broă pà tơl thôn tàm do in 2 lồ kao su.

Mờ broă pà ală suơn kao su tơr lòng lài, làng bol ală thôn tàm xã Mô Rai gờ` ngan kuèng mờ broă tam phan pa: bă ù tam kao su suơn dềt tu\ do neh lơh geh rlau 500 lồ; cồng nha lơh geh kung uă sơl pơn ndrờm mờ ală suơn dùl sơnam bal bơh mpồl lơh sa kă bro dê, dong tơnguh tai priă lơh geh ai làng bol in. Tàm 11 thôn bơh  xã dê tu\ do, geh tus 4 thôn “ lơh công nhân lơm” bơh kông ty 78 dê bơh ală sỹ quan ling klàng lơh kuang atbồ thôn. Ală thôn do lơh jat niam kơnòl broă lơh sa kă bro bơh mpồl dê mờ lơh jat niam ală kơnòl broă chính trị mờ xã jàu, dong kờl ală thôn lơh oh mi brồ guh bal.

Trung tá Nguyễn Chí Kiên, Chính ủy kông ty 78 pà g^t, ai kuang bàng sỹ quan tus bal tàm broă lơh chính trị tàm kơnă hơ đơm geh lơh tàm uă mpồl lơh sa kă bro gơ wèt Binh đoàn 15 dê, dong jơnau đơs “tam klăc bal mờ làng bol” bơh mpồl dê geh lam lơh geh cồng nha rlau.

Jơh ală mpồl tàm gùt Binh đoàn den sền gròi uă ngan, ai oh mi tus bal tàm broă chính trị, bè lơh kuang atbồ thôn, kuang bàng ala mat hội đồng nhân dân. Gơ wèt mờ kông ty 78 den cèng bal bơta krơi is, den tàm xã Mô Rai geh tus 6 [òn geh cau bơh kông ty dê lơh kuang atbồ thôn mờ ală gơnoar broă tàm thôn (bè mpồl cau ùr, kuang àng). Digơlan gờ` là 5 nam tai mờ jơla ngan là 10 nam tai den broă do geh lơh ngan ngồn. Jơnau kờ` lơh ngan ngồn do là tu\ hơ\ geh bàr pe nă oh mi ơm rlô jơh sơnam lơh broă, mờ gơ gơs cau tờm nàng bơt bơtàu ală thôn, [òn.

Ling klàng mờ làng bol, công nhân mờ cau lơh broă sa là cau tàm dùl hìu bơnhă bal, rài kis lơh sa neh geh bơta brồ guh uă, hơ\ rài kis mpồl bơtìan tàm xã Mô Rai, kơnhoàl Sa Thầy, càr Kon Tum dê tu\ do. Ală mpồl lơh sa tàm do neh geh lơh gơ gơs thôn, [òn, mờ lơh sa tàm thôn, [òn geh bơyai lơh gơs bè dùl mpồl wơl. Dong tơnguh uă broă lơh geh cồng nha lơh sa kă bro, lơh jat ală jơnau kờ` chính trị mpồl bơtìan. Xã khin cha jak chài gam lòt bal mờ mpồl lơh broă khin cha jak chài, bơt bơtàu tiah nhàr lơgar kơ\ kơl jap mờ tơl làm.

Cau cih Dương Đình Tuấn- Cau mblàng K’ Hạnh