VOV4.K’ho- Tơnơ\ mờ tu\ VOV geh jơnau cih đơs bè broă tàm gùl kà prang, hìu măy pờ tơlik ồs đèng Thượng Kon Tum bơ\t dà lơh tiah đah đơm bơtơ\t gơtìp soăt dà uă ngan, tàm poh pa do, ồng Nguyễn Hữu Tháp, Phó Chủ tịch Ủy ban Nhân dân càr Kon Tum bal mờ kuang bàng ala măt 2 hìu măy pờ tơlik ồs đèng bơ\t bơtàu tàm dà dờng Đăk Snghé là Công ty Cổ phần Thủy điện Vĩnh Sơn- Sông Hinh mờ Công ty Cổ phần Đầu tư Năng lượng Trường Thịnh neh lòt sền bơta geh ngan tiah soăt dà tàm thôn 3, xã Tân Lập, kơnhoàl Kon Rẫy, càr Kon Tum. Bơta pal đơs ngan là broă tàm tuh tìs gơ\p in là jơnau gơlam tus bơta geh ngan soăt dà uă ngan tàm tiah đah đơm bơtơ\t dơng dà đah kuang bàng ala măt 2 hìu măy pờ tơlik dê.

Đơs tus bơta geh ngan rlau 100 lồ chi tam bơh làng bol thôn 3, xã Tân Lập, kơnhoàl Kon Rẫy gam pal kong mờ jơnau digơlan gơtìp chơ\t ro tài bơh ờ tơl dà, ồng Lê Thanh, Phó Mpồl ătbồ rơndăp broă lơh hìu măy pờ tơlik ồs đèng Thượng Kon Tum, Công ty Cổ phần Thủy điện Vĩnh Sơn- Sông Hinh bulah kung dờp sơl, là Thượng Kon Tum bơ\t dà, dơng dà geh dùl bơnah gơrềng sơl. Mơya, jăt ồng Thanh đơs, den bơta tìs tờm là tài bơh hìu măy pờ tơlik ồs đèng Đăk Ne tàm tiah đah đơm ngui dà ờ jăt di broă rơndăp tăp sèng.

Ồng Lê Thanh, đơs: Lài mờ tu\ bơ\t hiòng dà den kung neh lơh broă sơl mờ Sở Công thương, Sở Công thương geh sră pơyua tus jơh ală anih in geh bal kơnhoàl, Công ty Năng lượng Trường Thịnh. Càr kung geh sră nggal pơyua Đăk Ne in là ngui dà jăt di bơta rơndăp tăp sèng, hơ\ là pal yuh dà sùm tơnơ\ bơtơ\t 1,29 khối tàm dùl giây. Geh jà sơl Công ty Trường Thịnh tus pơrjum mờ kơnhoàl mơya Công ty Trường Thịnh ờ bài dờn mờ yuh dà jăt tơngai pờ đèng dùl ngai 2 dơ\.

Hiòng dà dờng Đăk Snghé ro kơnra` mpờl lu\ liang lơm

Mblàng đơs loh broă ờ ngui dà hìu măy pờ tơlik ồs đèng Đăk Ne jăt di bơta rơndăp tăp sèng, hơ\ là pal sùm yuh dà 1,29 khối tàm dùl giây nàng làng bol tàm tiah đah đơm in geh dà [ồm phan tam in mờ mìng yuh wơl dùl ngai 2 dơ\, pah dơ\ mìng pơgăp 1 jiơ lơm, ồng Nguyễn Văn Quân, cau tàm Mpồl duh broă ătbồ Công ty Cổ phần Đầu tư Năng lượng Trường Thịnh pà gi\t: Gùng dà bơh Công ty dê là “ai lài” dà tuh ai làng bol tàm tiah đah đơm in. Mơya, bơh tu\ hìu măy pờ tơlik ồs đèng Thượng Kon Tum bơ\t dà dơng dà tàm tơnau dơng dà in, dà gơ rê hờ tiah đah đơm dùl êt ngan, hìu măy ờ gơtùi yuh dà sùm là 1,29 khối tàm dùl giây.

Ồng Nguyễn Văn Quân, đơs: Lài mờ tu\ Thượng Kon Tum dơng dà, hiòng dà gơ rê là pơgăp bơh 8 tus 10 khối tàm dùl giây. Mơya, tu\ do dà mìng gơ rê tus pơgăp 0, 75 khối lơm tàm dùl giây, hơ\ là dà mìng ndrờm mờ 1 bơnah 10 khà dà lài do. Den tàng dà tu\ mờ bol a` yuh dà nàng ai dà in gơ hòr rê tus ndo den mìng geh 0,75 khối tàm dùl giây lơm dilah yuh jơh. Jơh gùt ù tiah dờng bè do den 0,75 khối tàm dùl giây den gơ mu\t halà gơ dô rơhiăt là dà kung jơh sơl. Dà rê tàm do là dùl êt ngan.

Dà tàm tơnau dơng dà hìu măy pờ tơlik ồs đèng Thượng Kon Tum jo\ ngan den hơ\ sồng bềng ngơr dà den tàng ờ gơtùi gơ hòr rê tus dà dờng Đăk Snghé

Bal mờ ală cribơyai gơcèng nùs tàm tuh tìs bal mờ gơ\p in bè jơnau bơh tài gơlam tus jơnau geh ngan ro kơnra` soăt dà, ờ tơl dà tàm tiah đah đơm dà dờng Đăk Snghé đah kuang bàng ala măt hìu măy pờ tơlik ồs đèng Thượng Kon Tum mờ Đăk Ne den kung neh geh ală tềl tơngo\ niam. Hơ\ là broă kơnờm geh mpồl kuang bàng lòt sền bơh kuang đơng lam bồ càr Kon Tum dê lòt tus tiah ro kơnra` den tàng tài bơh ờ gi\t halà kơldang nùs, ngai hơ\ tơn, hìu măy pờ tơlik ồs đèng Đăk Ne nisơna yuh dà bềng ngơr lơh làng bol thôn 3, xã Tân Lập, kơnhoàl Kon Rẫy chờ hờp chờ hờ` ngan bồm dà sơndră mờ trồ prang ai chi tam in.

Mờ bulah ờ hềt geh jơnau đơs pơndu\t ngan ngồn tơnơ\ tu\ lòt sền bơta geh ngan dà tàm dà dờng Đăk Snghé, mơya ồng Nguyễn Hữu Tháp, Phó Chủ tịch Ủy ban Nhân dân càr Kon Tum neh tơngkah mờ sồr pal gàr niam bơta kuơ đah làng bol mờ mpồl lơh sa kă bro. Tềng đăp bơta trồ prang soăt dà pal tơrgùm bơsong mờ ờ go\ di kơldìng tàm dùl nơm dà. Hìu măy pờ tơlik ồs đèng Đăk Ne kung neh ring bal mờ gùng dà mang bơ\t dà ngai yuh dà pờ đèng nàng làng bol in geh dà bồm sơndră mờ trồ prang soăt dà.

Cau cih Khoa Điềm- Cau mblàng Lơ Mu K’Yến