VOV4.K’ho - Tàm rài tam lơh mờ ling lơgar Mỹ sò tơm, tơnklàs dà lơgar, xã Nâm Nung, kơnhoàl Krông Nô, càr Dak Nông là tiah tam lơhB4-pơgồp bal càr IV.

Do là tiah tam lơh ai bơta pràn kòn bơnus, bơta pràn bơh tiah dong kờl tus tàm tiah tam lơh. Bơh tu\ do, làng bol kòn cau Mnông, Rơđê kis tàm ală [òn neh mu\t tàm broă, tiă croh dà, à` phe, à` gar phào dong kờl cau ling tam lơh tus pha lin jơh.

Tàm hìu dềt ồng K’ Tiêng, kòn cau Mnông kis tàm [òn Rcập, xã Nam Nung, kơnhoàl Krông Nô, càr Dak Nông bè dùl jơdu\ ràng tơl^k phan lời kir ờs mờng. Ồng lời jơh dùl kơl^k tềng nggùl mpang hìu nàng ràng tơl^k rùp Bác Hồ mờ Đại tướng Võ Nguyên Giáp; gùt dar là Huân, Huy chương tam lơh, Kỷ niệm chương, sră jờng rơ mờ uă khà pơn jờng ndai tai.

                                           Ồng K’ Tiêng sền phan lời kir bơh rài tam lơh

Di tơnkah 30 nam ngai gùt làng bol sền gàr dà lơgar, 75 nam ngai crơng gơs ling klàng làng bol Việt Nam, rơcang wă rò nam pa, ồng K’ Tiêng l^p pang sră tơngai nam 2020 kung geh rùp Bác Hồ mờ Đại tướng Võ Nguyên Giáp sơl, tềng gah là rùp 2 nă ùr bơklao soh phan ling niam bơne\ ngan. Ồng Mblàng bè bơta kuơ bơh pang sră tơngai do là jơnau ngoh rơngăc ngan tàm brê bơnơm rài tam lơh cui rơcai:

-A` mờ pơ-ùr a` koèng bal tàm rài tam lơh. Rài hơ\ òr, a` là cau lơh kơnòl jào broă, lòt à` gar phào, phan sa, boh, phe, [ung mi... ai cau ling tàm tiah rềp mờ nhàr dà lơgar Campuchia in, pơ-ùr a` là cau tàm mpồl đơs crih.

Tu\ hơ\, [ồm, gar phào cau ling sò tơm uă ngan, ùr bơklao a` ờ hoan tìp bal, pah dơ\ geh bơyai lơh đơs crih tamya den hơ\ sồng geh tìp bal. Tus nam 1972 bol a` bao, a` ơm tàm mpồl ling lơh kơnòl, pơ-ùr a` rê kis mờ hìu nhă tàm [òn mờ tus bal mờ mpồl đơs crih; tu\ lơi geh dơ\ den kung lòt tus hờ mpồl ling a` den hơ\ sồng ùr bơklao a` geh tìp bal. Tơnơ\ mờ tơnklàs nam 1975 ùr bơklao a` hơ\ sồng rê kis bal tus tu\ do.

Ồng K’ Tiêng kung pà g^t, [òn Rcập jăt dà kòn cau Mnông sơnđan là “rê wơl”. Tài tàm rài tam lơh, do là tiah pôs đồng kăc màng, làng bol pal ntrờn tus tàm brê kờ` pleh mờ gar [ồm, gar phào mờ tus bal dong broă tam lơh. Tu\ dà lơgar geh tơrgùm bal, làng bol rê bơ\t bơtàu wơl [òn. Tu\ do, [òn geh 280 hìu, mờ rơlao 1 rơbô nă làng bol ndrờm là kòn cau Mnông lơm.

-Tu\ do di lah pơn drờm mờ lài do den rài kis tam gơl uă ngan bloh. Dà lơgar neh lơh gùng lòt, lơh ồs đèng, lơh dà, lơh hìu bơsram. Ală hìu geh sră dong kờl geh dà lơgar lơh hìu nùs nhơm.

Lơh jăt gùng dà broă lơh bơh Đảng, dà lơgar, làng bol sùm tơnguh nùs nhơm tam klăc bal kờ` bơ\t bơtàu [òn lơgar. Broă bơsram sră oh kòn dê kung geh dà lơgar sền gròi uă. Jơnau g^t wă làng bol dê kung gơguh tàm broă lơh sa suơn sre, ờ mìng lơh gời, ờ mìng tơl sa mờ gam lơh nàng kă bro, g^t tam cao su, kơphe niam tai.

Kung geh bal tàm tiah pôs đồng tam lơh B4 – pơgồp bal càr IV, [òn Ja Ráh, xã Nam Nung, kơnhoàl Krông Nô, càr Dak Nông tu\ do là tiah gam prăp gàr gam bè ờs ală bơta kuơ chài rơgơi ờs mờng kòn cau Mnông dê.

                                                 Ồng K’ Tiêng yal wơl rài tam lơh lài do

Kra [òn là ồng Y Xuyên, dùl nă cau ngăc ngar kòn cau geh bơngă pin dờn tàm tiah do. Broă pal kah ngan tàm rài ồng dê là pơnyờ să ngan tu\ geh mu\t bal tàm mpồl Đảng tơnơ\ mờ ală dơ\ lơh broă geh cồng nha jòi mpồl Fulro tàm tiah brê bơnơm pơgăp mờ do mờr 40 nam.

Mơya jơnau pal kah ngan là tài rài tam lơh cui rơcai tàm tiah pôs đồng kăc màng, ồng bal mờ làng bol kòn cau Mnông kis tàm ală [òn ntrờn mu\t tàm brê, tus bal à` phan sa, gar phào dong kờl cau ling tam lơh mờ ling sò tơm.

Kuơ màng ngan, ồng K’ Xuyên tơl^k nùs nhơm ngoh rơngăc ngan là ờ uă tu\ geh iăt Bác Hồ yal sră chờ gờm satềp bơh tàm anih pờ tơl^k jơnau đơs Việt Nam; gơlơ wăc rơwờl mờ ram mhu\ ngan, gơlơh bè geh dờp tài bơta pràn tàm nùs nhơm.

-Tu\ a` gam tàm mpồl ling, tus satềp chờ ngan. Mang tam jào nam bu\ lah gam gàr ha là gam lơh jăt kơnòl, oh mi bol a` pờ rơjô kờ` iăt jơnau Bác Hồ nting bơr chờ gờm satềp, chờ hờp ngan. Tơngu me chờ gờm satềp bơh Bác Hồ tus tu\ do a` kung gam kah sơl.

Bác Hồ nting he, jơh ală he ndrờm là oh mi dùl hìu bal, tam klăc bal là bơta pràn. Bác Hồ pơyoa jơnau chờ gờm satềp tus mờ ală cau ling, làng bol gùt lơgar... tơnơ\ mờ tu\ iăt Bác Hồ chờ gờm satềp, bol a` cuh ală phào tus tàm kơl wàng trồ kờ` chờ gờm nam pa.

Tơnơ\ m nam 1975, dà lơgar geh tơrgùm, làng bol rê kis tàm [òn yau. Ồng Y Xuyên tơnơ\ mờ tu\ neh lòt bal jòi ku\p mpồl Fulro, pơn jăt tai rê bơto sră ai oh kòn tàm ală [òn in, tus bal broă lơh Đoàn ơruh pơnu, hơ\ sồng geh at gơnoar broă kuơ màng tàm [òn bè: kuang atbồ kuang àng xã, Phó chủ tịch UBND xã, hơ\ sồng Chủ tịch Uỷ ban mặt trận Dà lơgar xã Nam Nung.

“Jơh sơnam lơh broă mơya ờ ơm lơh broă”, geh làng bol pồ lơh kra [òn, ồng Y Xuyên sùm tus bal bơto bơtê bơhiàn ờs mờng jăk chài kăc màng dê ai mpồl kơnòm să in, mờ bơto tà` sơ\, tà` phan, bơka tòm gơnơng mờ prăp gàr ală bơta kuơ chài rơgơi krơi is kòn cau Mnông tàm xã Nam Nung khin cha jăk chài dê.

     Cau mblàng Ndong Brawl