VOV4.K’ho- Tu\ do, uă hìu bơsram đại học neh yal điềm dờp sră dan rơ wah bơsram đại học nam 2019 jat cồng nha pơrlòng jơh bơsram kấp pe dà lơgar. Bàr pe hìu bơsram lam lài geh khà điềm dờp sră dan rơ wah jơnhoa rlau mờ nam lài bơh 1 tus 2 điềm. Mơya, ală cau pơr lòng pal kah, do rơ\p mìng là điềm dờp sră dan rơ wah lơm gời, ai khà điềm tơl bơsram ngan ngồn geh jơnhoa uă rlau.

Tàm poh pà do, ală hìu bơsram Đại học bè Đại học Ngoại thương, Đại học Kinh tế dà lơgar, Đại học Luật, Đại học Sư phạm Kỹ thuật [òn dờng Hồ Chí Minh, Học viện Ngân hàng... neh yal điểm dờp sră dan rơ wah.

Điểm dờp sră dan rơ wah bơh ală hìu bơsram geh tàm cah bàr pe khà krơi is, gơ jat bal tàm mpồl gah bơto bơtê, tổ hợp rơ wah mờ anih bơto bơtê dê. Pơn drờm mờ nam 2018, khà điểm dờp sră dan rơ wah bơh bàr pe hìu bơsram khà dùl dê gơguh bơh 0,5 tus 1 điểm. Jơnau mờ uă ngan hìu bơsram ai tơlik hơ\ là nam do khà điểm pơr lòng bơh cau pơr lòng dê jơnhoa uă rlau pơn ndrờm mờ nam lài.

Ồng Trần Văn Tớp, Phó Hiệu trưởng Hìu bơsram Đại học Bách khoa Hà Nội pà g^t:

Bol he kung neh g^t là nam 2019 khà điểm pơr lòng niam rlau, jơh ală jơnau đơs lài ndrờm là khà điểm gơguh hơ đang 1 điểm. Den tàng bè hơ\, điểm ai nàng sac rơ wah bơh hìu bơsram Bách khoa Hà Nội dê kung gơguh hơ đang pơgap 1 điểm sơl. Pơn yơu, nam lài ală broă lơh bơto bơtê dunia là 18 điểm, broă lơh tơl khà là 20 điểm, bơdìh mờ bàr pe broă lơh ndai là 21.5 điểm, mơya nam do, bol a` ai gơguh tai dùl khà là 24 điểm, kung di pal sơl mờ cồng nha pơr lòng jơh bơsram cấp pe dà lơgar, di pal mờ jơnau đơs bal bơh hìu bơsram dê, kung bè bơh cau jak chài dê tàm dơ\ pơr lòng jơh bơsram kấp pe dà lơgar.

Mơ ya, cau pơr lòng kờ` pal kah loh làng là, do là khà điểm uă ngan mờ ală hìu bơsram dờp sră dan rơ wah ờ di là khà điểm tơl khà gơ kờ` rơ wah. Điểm tơl khà bơh ală gah bơsram dê tàm dùl hìu bơsram đại học gơ jat bal tàm cồng nha pơr lòng bơh cau pơr lòng dê. Khà cih mat dan rơ wah, broă rơ wah jơnau kờ` bơh cau bơsram dê. Bulah điểm dờp sră dan rơ wah bơh ală gah tàm dùl hìu bơsram krơi is, mơya điểm tơl khà bơh ală gah kung krơi is sơl, digơlan ring bal halà jơnhoa uă rlau mờ khà dờp sră dan rơ wah bơh 1 tus 2 điểm, geh tu\ 4 tus 5 điểm.

Ồng Trần Khắc Thạc, Phó trưởng phòng Đào tạo đại học mờ tơnơ\ đại học, Hìu bơsram Đại học Thủy lợi đơs:

Hơ\ là jơnau sồr bơh Bộ dê, lài mờ ngai 22/7 ală hìu bơsram pal yal điểm dùl khà nàng dờp sră dan rơ wah cau bơsram nam do. Mờ ală cau bơsram neh cih mat dan sac rơ wah, den jat tàm jơnau yal bè khà tơl niam bơh ală hìu bơsram den ală cau bơsram gơtùi tam gơl wơl jơnau kơ\p kờ` bơh he dê.

Bè ờs khà tơl niam geh gơ lin rlau pơn drờm điểm tơl khà ngan ngồn gơ kờ` rơ wah tàm ală gah bơsram, ală hìu bơsram, kuơ màng là mờ ală hìu bơsram  lam lài mờ ală gah bơsram kuơ màng den điểm tơl khà mờ khà dờp sră dan rơ wah geh krơi is uă ngan dilah ờ kờ` đơs là bơh 3 tus 5 điểm.

Uă cau jak chài mờ kuang đơng lam bồ ală hìu bơsram yal lài, điểm tơl khà bơh bàr pe hìu bơsram lam lài, ală gah bơsram geh bơta buơn geh broă lơh uă bè: kuang àng, ling klàng, y dược, công nghệ thông tin… digơlan geh rơ wah geh uă rlau bơh 1 tus 2 điểm. Mơya, mờ ală hìu bơsram di mơ, hìu bơsram bè ờs mờ ală gah bơsram ờ hoan geh bơta gơ kờ` den điểm pơr lòng geh rơ wah digơlan mìng ndrờm mờ nam lài. Jat tàm điểm pơr lòng bơh he dê, cau bơsram digơlan geh sền g^t is geh tam gơl jơnau kơ\p kờ` cih mat dan rơ wah halà ờ.

Ồng Bùi Đức Triệu, Kuang atbồ phòng Đào tạo, Hìu bơsram Đại học Kinh tế dà lơgar tơngkah:

Dơ\ tam gơl jơnau kơ\p kờ` do geh tơngkah ală cau bơsram là ală oh kờ` gah bơsram den kung lời niam gah bơsram hơ\. Mơya, he geh tam gơl rơndap tap sèng broă bơsram mờ cih tai bàr pe jơnau kơ\p kờ` mờ di pal mờ điểm pơr lòng bơh he dê mờ geh tu\ lơyah rlau mờ điểm pơr lòng bơh he dê nàng ală oh in iang nùs là ală oh digơlan geh rơ wah tàm hìu bơsram mờ ală oh kơ\p kờ` kung bè geh mut bơsram jat gah bơsram mờ ală oh neh sac rơ wah.

Bơh ngai 22/7, cau bơsram geh ngan ngồn tam  gơl jơnau kơ\p kờ` jat 2 broă lơh là tàm internet mờ sră dan rơ wah. Mờ broă lơh tàm internet, cau bơsram ngui tài khoản mờ mật khẩu să tờm dê geh tam gơl jơnau kơ\p kờ` nàng cih mat dan sac rơ wah.

Ală cau jak chài mờ kuang đơng lam ală hìu bơsram kung tơngkah, cau bơsram mìng geh tam gơl jơnau kơ\p kờ` cih mat dan sac rơ wah mìng dùl dơ\ lơm den pal kơrhia kơlôi sơnơng nền nòn bè gah bơsram, điểm pơr lòng jơh bơsram kấp pe dà lơgar bơh să tờm dê nàng geh rơ wah uă ngan rlau jơh tàm hìu bơsram, gah bơsram di pal.

Cau mblàng K’ Hạnh