VOV4.K’ho- Ủy ban Nhân dân càr Dăk Lăk pa bơyai lơh pơrjum nàng sền wơl broă gơlik geh, cồng nha lơh jăt broă rơndăp lơh bơtàu tơnguh lơh sa- mpồl bơtiàn, gàr niam lơngăp lơngai mờ sền gàr dà lơgar nhai 10 mờ lam lơh jăt kơnòl broă 2 nhai lồi nam. 

                                                            Anih bơyai lơh dơ\ pơrjum

Tàm nhai 10 pa do, broă lơh sa- mpồl bơtiàn bơh càr dê pơn jăt tai geh ală bơta bơtàu tơnguh. Jơh gùt càr neh tơnhàu geh rlau 151 rbô lồ phan tam kàl mìu, sih tam geh rlau 50 rbô lồ kàl prang.

Bè kơnòl broă, gùng dà broă lơh tàm nhai 11 do, Ủy ban Nhân dân càr Dăk Lăk sồr ală kấp, ală gah lơh broă geh gơrềng bal pal tơrgùm rcăng sơndră kòp lơh bơtờp tàm phan ròng, chi tam; tơnguh tai broă lơh ătbồ, sền gàr brê mờ rcăng sơndră ồs sa brê; pơn jăt tai lơh pràn mờ tam gơl pa ală broă lơh hòi jà bơcri priă, kă bro, nhơl chờ mờ ală gùng dà broă lơh dong kờl mpồl lơh sa kă bro; lơh pràn broă lơh tă dia dà lơgar tàm càr, mơkung ătbồ niam dơ\ ngui kes priă dà lơgar, ngui kes priă dà lơgar pal lơh jăt di jơnau ai, tềm pềr mờ geh cồng nha…

Cau mblàng Lơ Mu K’Yến