VOV4.K’ho - Drim òr (30/1), UBND càr Dak Lak bơyai lơh tìp măt bồ nam pa kờ` sền wơl broă lơh lài mờ satềp, tàm satềp mờ tơnơ\ mờ satềp Canh Tý 2020.

                               Chủ tịch UBND càr Dak Lak ồng Phạm Ngọc Nghị đơs pơn du\t pơrjum tìp măt

Jăt jơnau đơs bơh UBND càr, ală ngai lài mờ satềp, tàm satềp mờ tơnơ\ mờ satềp Canh Tý 2020, ală gah, ală tiah tàm càr neh lơh jăt nền nòn jơnau đơng lam bơh UBND càr, gàr niam bơta lơngăp lơngai ờ do ờ dă mpồl bơtiàn; neh dong kờl rơlao 902 tấn phe ai 17 rơbô 392 hìu kal he di tàm satềp in, ai priă dong kờl bơh mpồl bơtiàn 48 rơbô 860 nă cau in mờ kờp jơh khà rơlao 37 tơmàn priă.

Ală phan drơng satềp geh uă bơta, di pal mờ broă kờ` blơi bơh làng bol, ờ lời gơbàn broă ờ geh phan, tơnguh khà priă tăc.

Đơs tàm dơ\ pơn du\t tìp măt bồ nam, kuang đơng lam càr neh sồr ală cấp, gah lơh broă, ală tiah tơnguh ală broă sơndră mờ kòp as sồt klờm soh mhar tài virus corona lơh gơbàn; gàr niam ờ do ờ dă tàm gùng lòt mờ bơta lơngăp lơngai ờ do ờ dă tàm càr; tơrgùm bơta pràn lơh jăk kơnòl, khà broă tơnguh bơtàu lơh sa mpồl bơtiàn nam 2020.

Cau mblàng Ndong Brawl