VOV4.K’ho- Càr Lâm Đồng neh bơyai lơh pơrjum sền wơl broă lơh, broă rơndap lơh sa – mpồl bơtìan nhai 8 mờ lam lơh jat kơnòl broă tờm tàm nhai 9 nam do.

Tàm nhai 8, broă lơh sa- mpồl bơtìan bơh càr dê pơn jat tai kơ\ kơl jap mờ bơtàu tơnguh, lơh sa suơn sre lơh jat di\ tơngai, broă rcang sơn dră kòp tu tàm phan tam, broă atbồ sền gàr brê, rcang sơn dră ồs sa brê geh ală gah, sơnah lơh broă geh gơnoar sền gròi, sồr lơh jat niam, gah lơh sa mờ ma\y mok; khà năc lòt nhơl sùm gơguh niam. Mơya kung gam geh sơl bàr pe bơta kal ke gam geh bè: Kòp jê ndul gơ jroh sur châu Phi gam gơlik geh, jơnau lơh tìs Adat sền gàr mờ bơtàu tơnguh brê gơlik geh ngai sơlơ kal ke…

Tàm nhai 9 tus, Chủ tịch UBND càr Lâm Đồng sồr, ală gah sơnah lơh broă, ală tiah tơrgùm lơh jat niam broă rcang sơn dră kòp tàm mpồl phan ròng; lơh pràn broă atbồ, sền gàr brê, ngan là bơsong jơnau koh kơl brê nàng ai ù lơh sa.

Cau mblàng K’ Hạnh