VOV4.K’ho – Pơn jat tai pơrjum dơ\ 35, ngai òr (16/7), Ủy ban Thường vụ Quốc hội tơn jơh pơrjum dơ\ 7; ai jơnau đơs bơh sơn rờp bè broă rơcang tus pơrjum dơ\ 8 bơh Quốc hội dê.

Dùl tơngume kuơ màng geh Ủy ban Thường vụ Quốc hội pơrjum dơp ndơl, ai jơnau đơs tàm [ùi mho, hơ\ là bè gùng dà broă lơh bơt bơtàu rơndap broă Quốc hội điện tử tơngai bơh nam 2019 tus nam 2026.

Rơndap broă kờ` tơnguh cồng nha lơh broă mờ bơta niam drơng broă làng bol, cau te\ khà bơh ală anih lơh broă Quốc hội dê; tơnguh pràn jak atbồ, đơng pơlam bơh Quốc hội, Văn phòng Quốc hội mờ ală mpồl lơh broă dê; sơlơ tơnguh rlau tai bơta gơ rềng bơh ală cau te\ khà tàm lơgar mờ lơgar ndai dê mờ ală anih lơh broă bơh Quốc hội mờ Kuang bàng Quốc hội dê; pơgồp bơnah mblàng yal bè Quốc hội Việt Nam.

Tàm pơrjum dơ\ 7 pa do, dơ\ sơn rờp Quốc hội neh ngui phần mềm dong tam gơl jơnau đơs gơs akhar lòt tàm rùp sơ` io bơh cau tờm pơlam pơrjum dê mờ dong broă đơng pơlam pơrjum di rlau. Mờ broă lơh tơr lòng lài phần mềm pa, Quốc hội khoá 14 digơlan sơn đờm 1 rài pa, rài bơh Nghị viện số dê.

Cau mblàng K’Duẩn