VOV4.K’ho- Pơn jăt tai pơrjum dơ\ 43, drim ngai 24/3, Ủy ban Thường vụ Quốc hội ai jơnau đơs bè ală tơngume gơrềng tus kes priă dà lơgar nam 2020. Bè Rơndăp broă lơh Adat Bơcri priă jăt broă lơh tam klăc lơh bal đah dà lơgar mờ làng bol (PPP) geh Quốc hội ai jơnau đơs tàm dơ\ pơrjum dơ\ 8, nhai 10 nam 2019 lài do.

Tus tu\ do, tơnơ\ uă dơ\ iăt kơno, lơh tam gơl wơl, Ủy ban Lơh sa Quốc hội dê pà gi\t, Bơta 83 rcăng cih Adat neh tam gơl măt gơ gơs là “Gùng dà tam pà bơnah gơguh, gơmù priă lơh geh bơh lơh sa kă bro”, mơkung mblàng sền loh làng 2 jơnau digơlan gơlik nàng geh gùng dà bơsong gơ in dipal.

Uă tơngume ndai geh gơrềng tơn tàm rcăng cih Adat PPP kung neh geh kờp sền, tam gơl bơtơl, bè: Cih bè tam gơl, bơtơl sră hơ pơrgon rơndăp broă lơh PPP; bè tơngai ai sră pơrgon rơndăp broă lơh PPP nàng lơh loh rlau bè cơng tàng, bơta pal geh rơndăp broă lơh PPP geh ngui gùng dà tam pà bơnah gơguh, gơmù priă lơh geh bơh lơh sa kă bro.

Mho ngai 24/3, Ủy ban Thường vụ Quốc hội geh ai jơnau đơs tàm rơndăp lơh Adat tam gơl, bơtơl bàr pe bơta bơh Adat Rcăng, sơndră trồ tiah lơh aniai mờ Adat Bơtơ\t rbòng dà.

Cau mblàng Lơ Mu K’Yến