VOV4.K’ho- Pơn jat tai pơrjum dơ\ 38, ngai 15/10, Ủy ban Thường vụ Quốc hội lời jơh dùl ngai ai jơnau đơs bè ală jơnau yal sền swì cồng nha lơh jăt broă rơndăp lơh bơtàu tơnguh lơh sa- mpồl bơtiàn mờ kes priă dà lơgar nam 2019.

Tàm dơ\ pơrjum, ală kuang bàng đơs, nam 2019, Chính phủ pơn jat tai đơng lam, lam lơh krà` cê jơh nùs tàm jơh ală broă lơh sa- mpồl bơtiàn, lơngăp lơngai, sền gàr dà lơgar mờ lơh broă mờ lơgar ndai, bal mờ 5 broă sơrlèt mờ 7 broă lơh geh.

Bal mờ ală gùng dà broă lơh Chính phủ dê ai, ală jơnau đơs sồr pal pơn jat tai lơh pràn bơcri priă dà lơgar; Tă bơsong kal ke dong lơh sa bơtàu tơnguh, tàm hơ\ geh tă bơsong bè gùng dà broă lơh; Mơkung dong kờl hoàc hươr bè lơh broă sa sươn sre. Broă lơh rcang sơndră sa kuề sa kùa tàm nam pa do geh pơn jăt tai lam lơh jăt gùng dà krà` cê jơh nùs ngan, ờ geh tiah kơryan, ờ geh tiah ơm bơdìh, loh làng tus kàr lơi bơsong tus kàr hơ\.

Ală jơnau đơs kung sồr pal sền swì nền broă gơlik geh bơh dơ\ tam dră kă bro đah Mỹ mờ Lo; broă lơngăp lơngai sền gàr dà lơgar tàm làm gùt dunia, tàm tiah do mờ kuơmàng là broă gơlik geh tàm dà lềng đah mat tơngai lik tu\ do.

Cau mblàng Lơ Mu K’Yến