VOV4.K’ho- Mho ngai 22/4, Ủy ban Thường vụ Quốc hội neh cribơyai, ai jơnau đơs mờ pờ tê ring bal broă crơng gơs 3 thị xã gơ wèt ală càr: Thanh Hoá, Phú Yên, Bình Định.

Jăt ồng Lê Vĩnh Tân, Bộ trưởng Bộ Nội vụ yal, jăt tàm jơnau dan bơh UBND ală càr: Bình Định, Phú Yên, Thanh Hoá dê mờ Bộ Nội vụ, Chính phủ neh geh sră yal bơh pe tiah do dê yal mờ Ủy ban Thường vụ Quốc hội in dan sền swì, geh kơrnoăt lơh nền, crơng gơs thị xã Hoài Nhơn mờ crơng gơs ală sơnah [òn gơ wèt thị xã Hoài Nhơn, càr Bình Định; crơng gơs thị xã Đông Hoà mờ crơng gơs ală sơnah [òn gơ wèt thị xã Đông Hoà, càr Phú Yên; crơng gơs thị xã Nghi Sơn mờ crơng gơs ală sơnah [òn gơ wèt thị xã Nghi Sơn, càr Thanh Hoá.

Jăt Kuang ătbồ Ủy ban Kơrnoat boh lam là ồng Hoàng Thanh Tùng đơs, Ủy ban Kơrnoat boh lam sền bal ring bal mờ broă crơng gơs 3 thị xã mờ ală sơnah [òn gơ wèt 3 thị xã bal mờ wil tơl sră nggal jăt jơnau sồr. Bơh cribơyai, Ủy ban Thường vụ Quốc hội ring bal Kơrnoăt bè crơng gơs 3 thị xã do. Kơrnoăt geh ai lơh jăt bơh ngai 1/6/2020.

Cau mblàng Lơ Mu K’Yến