VOV4.K’ho- Pơn jat tai pơrjum dơ\ 36, ngai òr 15/8, Ủy ban Thường vụ Quốc hội lời dùl ngai bơyai lơh lùp mờ iat hơ jơnau lùp ală Bộ trưởng, Kuang atbồ gah sơnah lơh broă dà lơgar bè ală tơngume gơrềng tus lơh jat ală kơrnoat, jơnau đơs pơndu\t bơh Ủy ban Thường vụ Quốc hội dê bè gròi sền tơngume mờ lùp bơh bồ tơngai lơh broă tus jơh nam 2018. 15 nă Bộ trưởng, Kuang atbồ gah sơnah lơh broă dà lơgar tus bal hơ jơnau lùp bơh Ủy ban Thường vụ Quốc hội dê. Do là dơ\ sơnrờp Ủy ban Thường vụ Quốc hội gròi sền wơl ală tơngume neh geh gròi sền, lùp.

             Mò Nguyễn Thị Kim Ngân Chủ tịch Quốc hội đơs sơnđờm dơ\ lùp mờ hơ jơnau lùp

Đơs sơnđờm dơ\ lùp mờ hơ jơnau lùp, mò Nguyễn Thị Kim Ngân Chủ tịch Quốc hội đơs loh: ală tơngume tàm kơrnoat, jơnau đơs pơndu\t bơh Ủy ban Thường vụ Quốc hội dê neh geh Chính phủ, ală bộ, gah sơnah lơh broă dà lơgar lam lơh jat niam, cèng wơl ală cồng nha uă ngan, lơh geh bơta gơ tam gơl tàm uă gah broă lơh, pơgồp bơnah gàr niam dà lơgar mờ bơta lơngăp lơngai, dong bơta bơtàu tơnguh lơh sa- mpồl bơtiàn.

Bơta hơ\ tơngo\ bơta lơh ngan, geh kơnòl bơh ală kuang bàng Chính phủ dê tềng đap Đảng, Dà lơgar, tềng đap cau te\ khà mờ làng bol bè broă lơh jat kơnòl broă he dê. Tàm dơ\ lùp, uă kuang bàng quốc hội pơn jat tai sền gròi tus ală gah broă neh geh lùp lài do bè tàm gah gùng lòt pơndiang phan, lơh broă sa sươn sre mờ bơtàu tơnguh [òn lơgar, lơh broă cau ling sồt să mờ mpồl bơtiàn

Cau mblàng Lơ Mu K’Yến