VOV4.K’ho - Ngai do (15/8), Ủy ban Thường vụ Quốc hội bơyai lơh dơ\ lùp, hơ jơnau lùp gơwèt mờ 15 Bộ trưởng, kuang atbồ gah lơh broă bè ală tơngu me gơrềng bal tus mờ broă lơh jăt ală nghị quyết, jơnau đơs pơn du\t bơh Ủy ban Thường vụ Quốc hội dê.

Lồi dơ\ lùp mờ hơ jơnau lùp, Phó Thủ tướng ồng Vương Đình Huệ ala măt Chính phủ đơs kờ` lơh loh tai ờ uă broă gơrềng bal gơwèt kơnòl bơh Chính phủ mờ hơ tơn jơnau lùp bơh kuang bàng Quốc hội.

Lài mờ hơ\, tàm dơ\ pơrjum mho òr (14/8), pơgồp jơnau đơs bè ờ uă broă gam ờ ndrờm bal tàm rơndăp broă adăt Thư viện, Ủy ban Thường vụ Quốc hội sồr sền wơl ală broă dong kờl bơcri priă lơh thư viện Dà lơgar, thư viện càr kờ` pleh mờ rah rài mờ lơh geh cồng nha.

Ủy ban Thường vụ Quốc hội kung ring bal ai ngai 21 nhai 4 pah nam là “Ngai sră mờ bơta chài rơgơi sền sră Việt Nam” kờ` lam sồr bơta niam chài rơgơi sền, yal ală bơta niam, bơta bơne\ bơh ală pang sră dê.

Kung tàm mho òr (14/8), pơgồp jơnau đơs tàm ală broă gam geh jơnau đơs ờ ndrờm bal tàm rơndăp broă adăt mpồl ling rơcang gàr lam sồr lài, ală jơnau đơs sồr mìng geh ai hòi jà tu\ geh jơnau lam sồr jơh, lam sồr tàm ờ uă mpồl, tàm tam lơh ha là tàm bơta jal mhar bè broă sền gàr dà lơgar di pal mờ sơnoa boh lam nam 2013, gàr niam mpồl ling rơcang lam sồr lài, gơnoar bơh làng bol mờ gàr niam nùs nhơm di pal.

Cau mblàng Ndong Brawl