VOV4.K’ho – Pơn jat tai pơrjum dơ\ 42, ngai 11/2, Ủy ban Thường vụ Quốc hội pờ tê ring bal Nghị quyết broă rơndap tap sèng ală mpồl lơh broă hành chính kấp xã, kấp kơnhòal tàm 2, 3 càr, [òn dờng gơ wèt dà lơgar là: Thái Bình, Lào Cai, Hà Nội, Cần Thơ, Khánh Hòa mờ Cao Bằng. Chủ tịch Quốc hội, mò Nguyễn Thị Kim Ngân đơs nền broă tơmut bal pal tơnguh bơta ring bal dùl nùs tàm làng bol, tơnơ\ tu\ tơmut bal den pal lơh bè lơi dong rài kis làng bol bơtàu tơnguh, mơkung gàr niam broă lơh sền gàr dà lơgar, sền gàr lơngap lơngai.

Tơnơ\ tu\ kơ lôi sơnơng, cribơyai mờ iat jơnau đơs lơh loh bơh Chính phủ, gơnoar atbồ kấp hơ đơm dê, Ủy ban Thường vụ Quốc hội pờ tê ring bal, 100% kuang bàng geh mat tàm dơ\ pơrjum ring bal mờ broă ai tơlik ală Nghị quyết bè broă rơndap tap sèng ală mpồl lơh broă hành chính kấp kơnhòal, kấp xã bơh ală càr, [òn dờng Thái Bình, Lào Cai, Hà Nội, Cần Thơ mờ Khánh Hòa.

Ủy ban Thường vụ Quốc hội kung pờ tê ring bal Nghị quyết bè broă rơndap tap sèng ală mpồl lơh broă hành chính kấp kơnhòal mờ tam gơl mat sơnđan mpồl lơh broă hành chính kấp xã bơh càr Cao Bằng dê nàng mhar lơh niam mpồl kuang bàng lơh broă chính trị tàm [òn lơgar mờ di tu\ lam lơh broă rơcang pơrjum Đảng bộ ală kấp.

          Cau mblàng K’Duẩn