VOV4.K’ho- Mho ngai 20/4, ai jơnau đơs tàm rơndăp broă lơh Adat Cau lơh broă Việt Nam lòt lơh broă tàm lơgar ndai jăt sră pơrgon (tam gơl), Ủy ban Thường vụ Quốc hội sồr cih loh ală broă lơh gơtìp kơryan ờ ai lơh gơ wèt mờ broă lam cau lòt lơgar ndai lơh broă.

Tàm dơ\ pơrjum, mò Nguyễn Thị Kim Ngân Chủ tịch Quốc hội sồr rơndăp cih Adat pal đal gi\t loh broă lam cau lòt tus lơgar ndai lơh broă jăt sră pơrgon mờ broă lơh lam cau lòt tus lơgar ndai lơh broă tìs mờ kơrnoat boh lam.

Sồr ba` ngui ală jơnau đơs “ai cau lòt lơh broă hờ lơgar ndai”, Chủ tịch Quốc hội đơs là: Adat lam cau lòt lơgar ndai lơh broă jăt sră pơrgon den jơh ală mpồl lơh sa kă bro geh ai sră ai gơnoar den hơ\ sồng lơh broă, geh sră pơrgon mờ tơngai ai là 3 nam.

Chủ tịch Quốc hội kung sồr, Adat cih loh ală broă lơh gơtìp kơryan ờ ai gơ wèt mờ broă lam cau lòt lơgar ndai lơh broă. Sồr lơh loh broă adat cih rề ơnàng tai anih lơh broă dà lơgar dê crơng gơs tàm [òn lơgar geh gơnoar lam cau lơh broă lòt lơh broă tàm lơgar ndai.

Cau mblàng Lơ Mu K’Yến