VOV4.K’ho – Mho 11/2, Ủy ban Thường vụ Quốc hội tơn jơh pơrjum dơ\ 42. Lài mờ tu\ tơn jơh pơrjum, Ủy ban Thường vụ Quốc hội neh ring bal pal geh Nghị định bơh Chính phủ dê nàng tam gơl gơs adat boh lam lơh jat cơ chế atbồ ing jat Công ước Istanbul.

Tơngume jơnau rơcang cih Nghị định pơlam Công ước Istanbul bè atbồ ing phan bơna geh ală jơnau cih mờ adat boh lam gam geh lơh jat tu\ do bơh Việt Nam dê ờ hềt tam gơl bè: gàr niam phan bơna atbồ ing; ờ ndrờm bal mờ adat boh lam gam geh lơh jat tu\ do bè: tơngai atbồ ing phan bơna, bơnah pria\ tă nàng lơh sră atbồ ing (ATA).

Đơs pơn dut pơrjum dơ\ 42, Chủ tịch Quốc hội, mò Nguyễn Thị Kim Ngân sồr tơ nơ\ pơrjum, Chính phủ, ală Ủy ban bơh Quốc hội dê mhar lơh jat ală jơnau đơs pơn dut gơ wèt mờ tơl tơngume. Tơr gùm kơ lôi sơ nơng, cih dờp jơnau đơs bơsir 2 rơndap lơh adat là: Adat tam gơl, bơ tơl 2, 3 bơta bơh Adat lơh glài broă lơh tìs mờ pria\ mờ rơndap lơh Adat tam gơl, bơ tơl 2, 3 bơta bơh Adat bơyai broă Quốc hội dê. Chủ tịch Quốc hội, mò Nguyễn Thị Kim Ngân kung pà git: Kờp du\ lài pơrjum dơ\ 43 bơh Ủy ban Thường vụ Quốc hội dê geh lơh tàm nhai 3 mờr tus geh ai jơnau đơs tàm 8 rơndap lơh Adat mờ 2, 3 tơngume ndai.

Cau mblàng K’Duẩn