VOV4.K’ho- Tơnơ\ dùl poh lơh broă, ngai do 20/9, tơn jơh pơrjum dơ\ 37 Ủy ban thường vụ Quốc hội dê.  Lài mờ tu\ tơn jơh pơrjum, Ủy ban thường vụ Quốc hội ai jơnau đơs bè broă yal loh làng, iăt kơno, lơh tam gơl wơl rơndap lơh Adat lơh broă (tam gơl) mờ rơndap lơh Adat tam gơl, bơtơl bàr pe bơta bơh Adat mut, lòt, lòt gan, ơm kis bơh làng bol lơgar ndai dê tàm lơgar Việt Nam. Rơndap lơh Adat lơh broă (tam gơl) neh geh yal mờ Quốc hội in ai jơnau đơs tàm pơrjum dơ\ 7, Quốc hội khoá 14. Rơndap cih geh uă tam gơl jat gùng dà tơnguh sơnam ơm rơlô lơh broă mờ tơnguh tai tu\ jiơ lơh broă tai. 

Ngan ngồn, bè tơngume tam gơl sơnam ơm rơlô lơh broă, uă jơnau đơs ring bal mờ gùng dà broă lơh dơ\ 1 bơh rơndap cih dê sồr: “ Kờp bơh ngai 1-1-2021, sơnam ơm rơlô lơh broă bơh cau lơh broă dê tàm bơta cau lơh broă bè ờs là tơl 60 sơnam 3 nhai gơ wèt mờ cau klau mờ tơl 55 sơnam 4 nhai gơ wèt mờ cau ùr, tơnơ\ hơ\, pah nam tơnguh tai 3 nhai gơ wèt mờ cau klau mờ 4 nhai gơ wèt mờ cau ùr tus di tu\ cau klau tơl 62 sơnam mờ cau ùr tơl 60 sơnam”.

Cau mblàng K’ Hạnh