Pơrlòng geh bơta tus bal bơh rlau 2 rơbô 800 nă kơnòm bơsram mờ rlau 200 dơ̆ bơyai lơh tus bơh ală hìu bơsram kấp pe mờ cơldŭ bơto bơtê mờ bơsram tàm càr Dăk Lăk dê. Mờ tơngume jờng rơ ƀòn lơgar Dà lơgar, Đảng, Wa Hồ, wèt rê mờ ồng pàng mờ nùs nhơm cau pơgru mờ kơnòm bơsram, dơ̆ pơrlòng geh uă dơ̆ bơyai lơh bơceh lơh, tơngŏ bơhiàn niam chài jơi bơtiàn dê... Uă ngan dơ̆ bơyai lơh geh bơyai lơh niam ngan bơh jơnau cih, đơs crih tam ya, phan soh...

Bơdìh mờ jơnau kờñ sền wơl cồng nha lơh broă srơh đơs crih tam ya tàm hìu bơsram dê, Pơrlòng “Gùng đơs crih sơnam kơnòm bơsram dê” gam là dơ̆ nàng cau pơgru mờ ală kơnòm bơsram tàm càr Dăk Lăk lùp bơsram, geh uă tai mờng chài, lơh niam rlau tai bơta tam klăc bal, lơh geh nùs nhơm chờ hờp, chờ hờñ bơt bơtàu “Hìu bơsram rềp mềr- kơnòm bơsram jơh nùs”.