Geh lơh bơh tŭ do tus jơh ngai 10/11 tàm Anih prăp gàr phan kwơ yau càr Dăk Lăk dê, Ràng tơlik ơn pơndơng, yal tơnggĭt 200 pang rùp bơh 87 nă cau cùp dê, geh săc rwah bơh gĭt nđờ rbô pang rùp cùp bơh ală cau mờng cùp rùp mờ cau ờ mờng cùp rùp bơh tàm gùt lơgar dê.

Ală rùp tơnggŏ ală bơta niam chài pơnrơ is, pơnrơ ngan bơh 54 jơi bơtiàn Việt Nam dê, bơh adăt bơhiàn, bơta mờng kwèng bơh yau, pin dờn, bơhiàn mờng ơm kis lơh broă, phan ngui soh mờ lơh yàng lơh chờ ờs mờng bơh yau. Bơh hơ̆ nàng kờñ tơngguh uă bơta niam bơ̆t bơtàu rài kis niam chài gơjăt bal mờ sền gàr mờ ngui niam ală bơta kwơ, tơngguh uă bơta dờp ngui niam chài ai làng bol in, tàm hơ̆ ai làng bol ală jơi bơtiàn dồ êt nă cau êt nă ngan cau in. Mơkung lơh sir, bơtơl, lơh gơs dồ săp rùp niam, pơnrơ ngan, krơi is ngan bè 54 jơi bơtiàn Việt Nam nàng yal tơnggĭt, mblàng yal, ràng tơlik tàm ală dơ̆ lơh yàng lơh chờ, ală broă lơh dờng, ală broă lơh tìp măt lơh kwèng niam chài, đơs crih tam ya tàm dơlam mờ bơdìh lơgar.