Bơta tờm bơh broă lơh kòn cau tàm ƀòn dờng Buôn Ma Thuột dê là broă prap gàr mờ ngui niam bơta kuơ niam chài ală kòn cau gơ jat bal mờ bơtàu tơnguh lòt nhơl. Uă ƀòn lơgar gam rơhời lơh gơs ală mpồl cau chài, lơh wơl ală broă lơh mờ tê bơh yau, lơh pa, lơh niam wơl ală hìu bơh yau gơ gơs homestay, anih lòt sền nàng drơng nac lòt nhơl in.

Ồng Trần Đức Nhật, Phó Củ tịc Ủy ƀan Ñân zân ƀòn dờng Buôn Ma Thuột pà git, mờ ală gùng dà ai tơlik bơt bơtàu Buôn Ma Thuột gơ gơs tiah drà tơlir – brê bơnơm – niam chài, ƀòn dờng pơn jat tai hòi jà tă pơgồp priă jền bơcri bơtàu tơnguh lơh sa mpồl bơtiàn ală ƀòn dồ bă kơ̆ kơljap, hòi jà làng bol ngui bơta pràn tàm dơlam is, tam klac bal, dong kờl bal mờ gơp nàng prap gàr ală bơta kuơ bơh yau niam bơnĕ, lơh gơs rài niam chài li la bơta krơi is, chồl pràn bơtàu tơnguh lòt nhơl.