Phần Lan mờ Lo pơn jat tai tàm pơrlòng tàm mang pơrlòng dŭt ndơl dơ̆ cuh phăo bơkào ală lơgar Đà Nẵng nam 2024
Thứ hai, 14:20, 01/07/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Phần Lan mờ Lo mờ 2 mpồl cuh phăo bơkào jak ngan tơnơ̆ 4 mang tàm pơrlòng bơh 8 mpồl dê rơ̆p pơn jat tai tàm pơrlòng lơh geh khà dùl tàm mang tàm pơrlòng cuh phăo bơkào geh bơyai lơh tàm mang ngai 13/07 do.
Do là cồng nha pa geh Mpồl bơyai lơh Dơ̆ cuh phăo bơkào ală lơgar Đà Nẵng nam 2024 yal drim ngai 30/06. Dơ̆ cuh phăo bơkào ală lơgar Đà Nẵng nam 2024 geh 8 mpồl cuh phăo bơkào bơh ală lơgar: Mỹ, Phần Lan, Tây, Đức, Ý, Ba Lan, Lo mờ Việt Nam.
Bơh sền sơ wì rơ wah jat tàm cồng nha sền sơ wì bơh Mpồl sền gròi dê, jat tàm ală jơnau đơs bơh ală mpồl lơh broă bơto pơlam, Mpồl bơyai lơh rơ wah 2 mpồl jak ngan rlau jơh dar sac rơwah là lơgar Phần Lan mờ Lo pơn jat tai mut tàm pơrlòng tàm mang dŭt ndơl. Do geh sền là cồng nha di mờ jơnau kờp dŭ lài bơh uă ngan cau sền dê tơnơ̆ dơ̆ cuh phăo bơkào jak ngan bơh 2 mpồl do dê tàm mang pơrlòng lồi dŭt bơh dar sac rơwah Dơ̆ cuh phăo bơkào ală lơgar Đà Nẵng nam 2024 tàm mang ngai 29/06 pa do.
Viết bình luận