Dờp măt sơnđan Kông viên địa cất gùt plai ù UNESCO Dăk Nông dơ̆ 2
Thứ tư, 08:30, 03/07/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Ngai 01 mhai 07, càr Dăk Nông neh dờp geh jơnau yal ngan ngồn bơh Mpồl jak chài plai ù mờ tơrmù ƀà aniai ù tiah gơwèt Mpồl bơto bơtê, jak chài mờ niam chài Liên hợp quôk dê (UNESCO) bè broă Kông viên địa cất Dăk Nông neh lơh geh cồng nha sơr lèt gan dơ̆ sền sơ wì wơl, ngan ngồn geh dờp măt sơnđan “Kông viên địa cất gùt plai ù UNESCO Dăk Nông” ai tơngai bơtàu tơnguh pa bơh nam 2024-2027.
Jơnau lơh nền dờp wơl măt sơnđan “Kông viên địa cất gùt plai ù UNESCO Dăk Nông” kờp dŭ rơ̆p geh jàu ai càr Dăk Nông in tàm Pơrjum ală lơgar bè Ală kông viên địa cất tàm tiah câu Á- Thái Bình Dương bơyai lơh tàm nhai 09 nam 2024 tàm Kông viên địa cất gùt plai ù UNESCO Brê bơnơm dà ia Cao Bằng, lơgar Việt Nam dê.
Jat mò Tôn Thị Ngọc Hạnh, Phó Củ tịc Ủy ƀan Ñân zân càr Dăk Nông, jơnau lơh nền dờp măt sơnđan Kông viên địa cất gùt plai ù UNESCO tơngai bơh nam 2024 - 2027 ờ mìng là bơta dờp bơh ală bơta pơn đơl pràn lơh ngan bơh gơnoar atbồ mờ làng bol càr Dăk Nông dê tàm broă prap gàr mờ ngui niam jơh ală bơta kwơ ală bơta phan lời wơl lơm mờ gam pờ geh tŭ tơngai niam gơ hòi gơ jà ală priă jền nàng bơtàu tơnguh lơh sa- mpồl bơtiàn kơ̆ kơl jăp.
Viết bình luận